Pompia

Dae Wikipedia, s'entziclopedia lìbera.


Artìculu in LSC

Sa pompìa (Citrus limon var. pompia Camarda, 2015) est una variedade de limone endemica de sa Sardigna, difùndida mescamente in sos comunes de Thiniscole, Pasada, Torpè, Orosei. Sas orìgines de sa pompìa non sunt galu craras; sa teoria prus acreditada est cussa chi si tratet de una casta burda tra chidru e limone, mancari carchi istudiosu niet chi est un incrostu tra chidru e pompelmo. Su chi est seguru est chi sa pompìa est tra sos agrùmene prus raros de totu su mundu: finas a bint'annos faghet no esistiat chi carchi chentina de àrbores de pompìa. Sa rinàschida e s'iscoperta noa de custu frutu si est tenta a sa fine de sos annos 90 de su sèculu coladu, cando a Thiniscole si est detzìdidu de prantare unu cultivu a istèrrida de pompìa, pro unu progetu de Agricultura Sotziale paris cun su Comune de Thiniscole e su C.M.I. Su sabore de "Sa Pompìa Intrea" est tipicamente durche cun unu tastu marigosu.

Usos[modìfica | modìfica su còdighe de orìgine]

In su 2004 est naschire a Thiniscole su presidiu Slow Food de "sa pompìa" pro salvaguardare custu esempru raru de biodiversidade thiniscolesa, gràtzias a s'unione de chimbe produtores chi ant detzìdidu de mòere e giughere in dae in antis custu progetu. Dae cudd' annu sa Pompìa partètzipat a totus sas manifestatziones Slow Food comente su Salone de su Sabore, at partetzipadu a ambas sas editziones de Eurogusto a Tours (2009-2011) e in sas majores fieras italianas dedicadas a su màndigu e a sos produtos enogastronomicas de calidades.

Sa Pompia Intrea[modìfica | modìfica su còdighe de orìgine]

Sa retzeta de sa Pompìa Intrea est tramandada oralmente dae sèculos e costituit su bagàlliu culturale de fèminas medas Thiniscolesos, est a nàrrere de su territòriu sardu ue sa pompìa est coltivada de prus. Sa retzeta podet èssere ammanada a mòere dae mele millefiori o isciropu de abba e tzùcaru a su cale andat poi annànghidu su mele.