Sotziedade pro sa Limba Sarda

Annanghe ligàmenes
Dae Wikipedia, s'entziclopedia lìbera.

Coordinadas: 40°19′21.26″N 9°19′49.48″E / 40.322571°N 9.33041°E40.322571; 9.33041

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Sotziedade pro sa Limba Sarda
IncurtzaduraSLS
Castaassòtziu culturale
Fundatzione1987
Fundadore(es)Diegu Corràine e Massimo Pittau
PunnaPromotzione e valorizatzione de sa limba sarda
Sede tzentraleNùgoro
IndiritzuCarrera de Dante Alighieri 19
Àrea de atzioneSardigna
Limba ufitzialeLimba sarda
Situ web
Manuale

Sa Sotziedade pro sa Limba Sarda est un'assòtziu culturale nàschidu in su 1987, in Casteddu, e cun sede in Nùgoro.

Istòria[modìfica | modìfica su còdighe de orìgine]

Sa finalidade prima de sa SLS, fundada in su 1987 dae s'editore, iscritore e tradutore Diegu Corràine e dae su linguista Massimo Pittau[1], est sa de "promòvere, ampliare, difùndere e abbalorare cun cale si siat mèdiu sa connoschèntzia e s'impreu de sa limba sarda" In annos e annos, sa SLS est istada su puntu de referèntzia de sas elaboratziones e gherras in favore de s'unidade e de s'ufitzialidade de sa limba sarda.[2][3] E custu l'at fatu cun deghinas de cunferèntzias, seminàrios, in deghinas de biddas e tzitades de Sardigna e in foras de s'Ìsula.[4][5][6][7][8] Si podet nàrrere chi sa SLS apat inauguradu sa traditzione de faeddare in sardu in pùblicu in custa casta de eventos, cosa rara finas a tando. E apat finas eredadu sa traditzione e sas ideas de su Comitadu pro sa Limba Sarda chi aiat sestadu e promòvidu sa lege de initziativa populare pro s'atuatzione de s'art. 6 de sa Costitutzione de sa Repùblica italiana e su reconnoschimentu de sa Minoria linguìstica sarda, duncas.

Ma est istada finas sa sotziedade chi at dadu fortza a su protzessu de istandardizatzione de sa limba sarda, cumintzadu cun su seminàriu internatzionale Presente de sas limbas minoritàrias e problemas de sa normalizatzione issoro, su 25-9-88, in Santu Lussùrgiu, e culminadu in su 2001 cun sa LSU e in su 2006 cun sa LSC.

Dae su 15 de nadale de su 2021[9][10] s'òcupat de sa Biblioteca Heinz Jürgen Wolf de Istùdios Linguìsticos e de limba sarda de Nùgoro, dedicada a su linguista Heinz Jürgen Wolf e aberta a totus. Sa biblioteca est nàschida gràtzias a sa voluntade de sa fìgia Mimi e de sa mugere Sìlvia de Wolf, chi ant donadu sa biblioteca de s'istudiosu a sa Sotziedade[11], e de s'Assòtziu natzionale de sos mutilados e invàlidos de gherra de Nùgoro, chi at frunidu sos locales.[12]

Como su presidente de sa SLS est Diegu Corràine. Vitzepresidente est Antonello Garau. Segretàriu est Lisandru Beccu.

Riferimentos[modìfica | modìfica su còdighe de orìgine]

  1. ↑ (IT, SC) Il ricordo in sardo dell’editore Diego Corraine, in La Nuova Sardegna. URL consultadu su 25 santugaine 2022.
  2. ↑ (IT) Giampaolo Cirronis, Le proposte della “Sotziedade pro sa Limba Sarda” per garantire un futuro sicuro alla lingua sarda., in La Provincia del Sulcis Iglesiente, 18 santandria 2017. URL consultadu su 25 santugaine 2022.
  3. ↑ (IT) Giampaolo Cirronis, La SOTZIEDADE PRO SA LIMBA SARDA mercoledì mattina terrà una conferenza stampa per fare il punto sull’attuale situazione linguistica (e sociolinguistica) in Sardegna, in La Provincia del Sulcis Iglesiente, 13 santandria 2017. URL consultadu su 9 nadale 2022.
  4. ↑ (IT) Die de sa Limba Sarda comuna 19/04/2017, in UniNuoro. URL consultadu su 25 santugaine 2022.
  5. ↑ (IT) Sas limbas sunt prendas - Convegno a Nuoro sulla traduzione di opere letterarie, in LaBarbagia.net. URL consultadu su 25 santugaine 2022.
  6. ↑ (IT) Gianni De Candia, Sassari: 25 febbraio - Presentatzione Prèmiu pro tesis de làurea in sardu, in il messaggero sardo. URL consultadu su 25 santugaine 2022.
  7. ↑ (IT) Manuel Scordo, Opere in sardo, vocabolari in dialetto: per 12 autori arriva il premio 'Wagner', in SardiniaPost, 31 ghennàrgiu 2019. URL consultadu su 25 santugaine 2022.
  8. ↑ (IT) TACITA MUTA, in www.ilgremiodeisardi.org. URL consultadu su 25 santugaine 2022 (archiviadu dae s'url originale su 25 santugaine 2022).
  9. ↑ Pro sa limba sarda de cras, in SardegnaEventi24. URL consultadu su 26 nadale 2021 (archiviadu dae s'url originale su 26 nadale 2021).
  10. ↑ (IT) Linguistica, apre la “Biblioteca Wolf”, in La Nuova Sardegna, 9 nadale 2021. URL consultadu su 26 nadale 2021.
  11. ↑ Biblioteca de Istùdios Linguìsticos Heinz Jürgen Wolf, in SLS · Sotziedade pro sa Limba Sarda, 20 martzu 2021. URL consultadu su 30 abrile 2021 (archiviadu dae s'url originale su 30 abrile 2021).
  12. ↑ Inauguratzione de sa "Biblioteca Heinz Jürgen Wolf de istùdios linguìsticos e de limba sarda, in Il Minuto. URL consultadu su 25 santugaine 2022.

Ligàmenes esternos[modìfica | modìfica su còdighe de orìgine]

Bogadu dae "https://sc.wikipedia.org/w/index.php?title=Sotziedade_pro_sa_Limba_Sarda&oldid=181955"