Tasca

Dae Wikipedia, s'entziclopedia lìbera.

Una tasca (o mutzilla), in sa forma sua prus simpre, est un'istaca de pannamenta carrigada a sas palas de una pessone e segurada cun duas fascas chi andant a subra de sas palas e a suta de sos sircos.

Fitianu, si preferint sas tascas a sas balizas o sas bussas a manu, mescamente cando si devent trasportare càrrigos pesados pro tempos longos, sende chi sas tascas, pro custa casta de impreu, sunt prus inditadas chi sas manos.

Sas tascas mannas, impreadas pro trasportare càrrigos superiores a 10 chilos, normarmente iscàrrigant sa parte prus manna de su pesu issoro (finas a su 90%) a subra de chintorzas tramatzadas chi si podent prender a sos costazos: in custa manera, sas fascas in sas palas podent ser impreadas cun s'intentu ùnigu de abalansare su pesu de su càrrigu. Custu mezorat sa possibilidade de trasportare càrrigos pesados, peri ca sos costazos sunt galu prus fortes chi sas palas e mezorat in manera cussideràbile s'azilidade de chie trasportat sa tasca e s'abalansamentu, ca su càrrigu s'acùrtziat in manera annanghedora de su baritzentru de sa pessone. In prus de custu, su dossale de sas tascas medianas e mannas est a s'avesu rìzidu pro fagher chi siat mantenta s'egonomia sua independentemente dae su modu in ue est carrigada sa tasca e pro iscarrigare in manera otimale su pesu a sa chintorza in sa base. Custu normarmente si lograt a mèdiu de sa cullocadura in su dossale de làminas de materiale pràstigu cumbinadas cun barras de allumìniu bertigales ischeadas pro unu cuntatu otimale cun su dossu, cando ch'in sos modellos de montismu s'impreant frechentemente telarzos tubulares beros e autèntigos de atzarzu.

Crassifigadura de sas tascas[càmbia | edit source]

De acordu cun sa capatzidade de càrrigu, sas tascas si podent partzire in tres grupos mannos: tascas minoras (finas a 40 litros) inditadas pro iscursiones diàrias, sas mannas (de 40 a 65 litros), utilizàbiles in s'escurrimentu, e finarmente sas adotadas pro su montismu (prus de 65 litros), mesche pro ispediduras a zonas remotas.

Impreos ispetziales[càmbia | edit source]

Unas cantas tascas sunt prozetadas ispetzìfigamente pro trasportare ozetos particulares. Isempros comunos sunt sas tascas impreadas pro ozetos de balore mannu, comente pro narrer elaboradores portàbiles e echipamentos fotogràfigos. Esistint finas modellos ispetzìfigos pro su sarvamentu. In su mercadu bi sunt aguarmente tascas pro su trasportu de ozetos mannos comente pàtinos cun rodighedddas, taulas de patinamentu o finas tascas probidas de unu reservadorzu minore cun unu tubigheddu cunetadu, peri su cale chie est trasportende sa tasca podet bufare e s'idratare sena si dever arressare a mala boza (su sistema naradu est cunnotu comunamente comente “Camelbak” o “Camel bag”): custu ùrtimu tipu de tasca s'impreat pro iscursiones in anderas, iscurrimentu e montismu.