Vincenzo Florio (senior)

Dae Wikipedia, s'entziclopedia lìbera.


Articulu in logudoresu

Vincenzo Florio (Bagnara Calabra, 4 de abrile 1799Palermu, 11 cabidanni 1868) est istadu un'imprendidore e polìtigu italianu.

Biografia[modìfica | modìfica su còdighe de orìgine]

Emigradu dae pizzinnu a Palermu a ue su babbu Paulu chi aiat una bona attividade cummerciale, una orta fattu mannu aiat cominzadu cun successo diversas attividades industriales, e aiat fundadu in Marsala sas Cantine Florio pro sa produtzione de su inu Marsala. In su 1840 in Palermu fit istada costituida sa Anglo-Sicilian Sulphur Company Limited una sotziedade tra Vincenzo Florio e sos inglesos Benjamin Ingham e Agostino Porry pro sa produtzione e sa cummercializzatzione de s'acidu solforicu e sos derivados de su sulfaru. Sempre cun Ingham aiat fundadu sa sotziedade "Amministrazione dei pacchetti a vapore siciliani", chi in su 1841 aiat varadu sa nave a vapore "Palermo" po cullegare Palermo-Napoli. In su 1862 fit istada frimmada sa cunventzione tra su governu italianu e sa Compagnia Florio navale pro su servitziu postale e cummerciale tra sa Sitzìlia e Napoli. In cussos annos Vincenzo aiat leadu varias garrigas pubblicas e fit intradu in su cossizu de amministratzione de sa Banca Nazionale e fit istadu finas presidente de sa Camera 'e Commerciu de Palermo. In su 1864 fit istadu numenadu senadore.