Windows 98

Dae Wikipedia, s'entziclopedia lìbera.
Bae a: navigadura, chirca

Nùgoro-Istemma.png
Articulu in nugoresu
Nùgoro-Istemma.png

Windows 98 (1998-2006) (lumen in codiche Memphis) est su secundu sistema operativu graficu de sa linia Windows 9.x de Microsoft. Comente a su sistema chi lu at pretzediu, tenet unu Kernel monoliticu a 16/32 bit basau issupra MS-DOS. In su 14 de Capidanne de su 2000 Windows Me lu aiat suppriu, ma at tentu comuncas supportu uffitziale fintzas a s'11 de tribulas de su 2006.

Sichidore de Windows 95, tenet unu supportu ammezorau pro sos hardware istandard comente a USB, MMX e AGP; est dotau de su supportu de su file system FAT32, de WebTV e de s'integrassione de Internet Explorer in s'interfaccia grafica (GUI) de Windows, muttiu Active Desktop. Custu ch'at fattu bessire a campu chistiones chin s'antitrust pro sa positura dominante chi Internet Explorer at tentu a pustis de s'integrassione fortzada sua in Windows.

Mancari chi Windows 98 apat ammezorau s'istabilidade cuffroma a Windows 95, est a ammentare chi a s'ispissu capitabat de s'imbenner in iffadosos BSoD; ma fit comuncas menzus de su sistema chi lu aiat deppiu sichire, Windows Me, nodiu in negativu pro sos problemas suos.