Abba

Gutiu de abba

Articulu in logudoresu

S'Abba est un cumpostu lìcuidu ki tenet sa molecola formada dae duos àtomos de idrogeno e unu de ossìgenu, netzessàriu pro protzessos kìmicos meda siat in su mundu orgànicu ki in cussu mineràle.

S'abba (o aba) leat formas diversas in sa naturalesa. A s'istadu solidu est nodida comente biddìa o astragu, a s'istadu gassosu est connota comente papore acueu. Sunt connotas finas ateras duas formas solidas, sa de s'astragu bidriosu e sa de su solidu amorfu, no cristallinu, simizante a su 'idru.

A subra de tzertos balores de temperadura e pressione (nados criticos), ki sunt pro s'abba 647 K e 22,064 × 106 Pa, s'abba etotu nk'intrat in d'unu istadu nadu supercriticu, in ue aunidos de abba ai s'istadu simil-licuidu curren a intro una fase de simil-papore.

S'abba pesante est abba in ue sos atomos de idrozenu sunt bistados sostituidos dae su deuteriu, s'isotopu sou ki at pesu atomicu 2 uma. Su cumportu kìmicu sou est azummai uguale a su de s'abba; agatat aplicu comente mediu pro allentare sos neutrones emitidos dae sa fissione nucleare.

Abbaida finas

• Abbas residuales