Èlighe
Articulu in nugoresu
S' éliche non tenet preferentzia de terrinos, subbecat su frittu, su calore de su sole, sa mudadura de su tempus, ma custu non che bocat chi crescat comuncas menzus inube su crima est a mesu témpera, in paris e in monticros. Est una mata seculare, podet arribare a cròmper chimbe, e fintzas deche, seculos e a creschere in artesa binti metros, su truncu medit prus de sunu metru de diametru. Sos chimos sun cracos, sas fozas de colore birde iscuru in su chirru de susu, colore de chisina iscuru issutta de sos frores, isparghen a urtimos de beranu. Su fruttu est cussu chi si muttit "lànde", colore de castanza e de mannesa diferente s'unu dae s'atteru.