Ìsulas Selvagens

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu

Coordinatas: 30°08′46.68″N 15°51′51.8″W / 30.1463°N 15.864389°W30.1463; -15.864389

Mapa de sas ìsulas Selvagens

Sas Ìsulas Selvagens (portughesu: Ilhas Selvagens) o, tradùidu in sardu, ìsulas Agrestes, sunt unu artzìpelagu minore in s'Otzèanu Atlànticu setentrionale, intre Madeira e sas ìsulas Canàrias. Tenent una superfìtzie totale paris a 2,73 km², a su presente sunt populadas dae bator bividores permanentes in s'ìsula Slevagem Grande e duas semipermanentes in s'ìsula Selvagem Pequena, castiadores de su Parcu Naturale de Madeira. Non presentant mitzas de abba durche.

Is ìsulas Agrestes acasàgiant duos faros, gestidos dae s'Autoridade Marìtima Portughesa, ambos intrados in funtzione in su 1977: unu subra de s'ìsula Selvagem Grande, situadu subra de su Pitzu de Atalaia, bastante a curtzu a sa costa otzidentale de s'ìsula; s'àteru subra de s'ìsula Selvagem Pequena, situadu subra de su Pitzu do Veado.

S'artzipèlagu est formadu dae duos grupos de ìsulas e isuleddas. Su grupu de nord-est chi cumprendet s'Ìsula Selvagem Grande e tres isuleddas minores narados "Palheiro de Terra", "Palheiro do Mare" e "Sinho", e su grupu de sud-ovest chi cumprendet sa Selvagem Pequena, s'isuledda de Fora e àteras isoleddas prus piticas medas intre is cales is mutidos "Artu", "Comprido", "Redondo", "Pequeno", "Mannu", "Ilhéu do Sul" e su grupigheddu de sos "Ilhéus do Norte". Una barrera manna de iscòllios inghìriat s'artzipèlagu e faghet difìtzile s'aprigu a is costas de sas ìsulas. Sa Selvagem Grande e sa Selvagem Pequena s'agatant istesiadas intre issas e issas de una bindighina de chilòmetros.

Àteros progetos[modìfica | modìfica su còdighe de orìgine]