...altrimenti ci arrabbiamo!
Limba Sarda Comuna. Abbàida sas àteras bariedades gràficas:
...altrimenti ci arrabbiamo! ( in sardu: ...chi nono s'arrenegamus!) est unu film de su 1974 dirigidu de Marcello Fondato, cun Bud Spencer e Terence Hill.
Totu sa trama si furriat a una dune buggy rubia, modellu fatu de sa Puma[1], ca faghet de "pumu de s'iscuncordia" de s'istòria.
Trama
[modìfica | modìfica su còdighe de orìgine]Ben e Kid sunt su primu unu mecànicu e su secundu unu camionista e totu is duos tenent sa passione pro is cursas automobilisticas. Binchidores ex aequo de una gara meda lestra de autocross, binchint comente premiu una dune buggy noa, rubia cun capotedda groga. Si comente no si podet dividere, detzidint de si dda giogare. Kid proponit una gara a "birra e sartissos" («su primu ca si nche crepat pagat su contu e perdit sa machina»), e Ben acetat.
Totu is duos andant in unu bar de su luna park acanta pro si giogare su trofeu. Su disafiu benit però interrumpida de una una ghenga de tzeracos de unu speculadore ediliziu, mutìdu isceti su Boss , e ca bolit betare a terra su luna park pro fàghere logu a is costruziones suas. Is òmines isciusciant su bar. Essidos, Ben e Kid atopant unu de is tzeracos, ca intimat a issos de calare de sa dune buggy. Ben e Kid narant ca no e provant a si nde andarede inia, ma is bandidos corpint sa vetura, abrugende-dda.
Detzididos a pretendirere una machina noa, uguali a sa machina isciopada, Ben e Kid andant tando a su locale ristorante de su Boss, e inia narant sa batuta chi donat su tìtulu a su film. A su Boss ca domandat a modu de isfida «O chi nono?», Kid arrespundit difatis cun unu «...o chi nono s'arrenegamus!», ca s'at a intendere medas bortas in s'istòria.
Pesados de inia issos, su Boss est de acordiu a torrare sa cosa, ma benit dissuadidu de su suo brassu destru, su Dotore : unu psicologu freudianu de crara origine tedesca. S'òmine cumbinchit su Boss addusende presumidas regiones pedagògicas: Ben e Kid, a su chi narat issu, sunt duos pipios afissiados, ca bident su Boss comente unu babbu. Ogna cuntzessione a is trempos issoro diat a èssere tando una grave faddina psicologica. Su Dottore bantat sa malesa, ma chertat a su Boss pro ita faghet su malu tantis pro ddu èssere, sena motivu.
Inbetzes de nde torrare sa dune buggy , su Boss faghet sighire Ben e Kid de unu tzeracu suo, ca ddos sighit cun duas piciocas a su luna park. Is duos si nde agatant e, domandande-sì chi su Boss apat cumprèndidu o nono su chi boliant nàrrere, si lassant tragare in una prova de fortza in is atratziones de su luna park. S'òmine,a sa fine, ddis narat de ddos sighire in una palestra, cumbintu de ddos pòdire batire in su pugiladu. Ma, mentris s'est ancora ponende a postu, Ben e Kid pistant totu sa gang ca ddos abetaiat in palestra.
Pagu tempus a pustis, in s'oficina de Ben, arribat una ghenga de motociclistas totus bestidos de nieddu: su Boss ddos at imbiados pro retzitare una pantomima faghende finta de ddi donare una dune buggy ca no esistit a is duos sissiligheris. Kid fingit de nche abarrare a su giogu, ma improvvisamente narat ca no, e a lestru scaddiat su capu de is motociclistas pigandude-ddi sa moto. A s'acabu de una fua in is padentes, Kid e Ben batint is urtimos duos cumponentes de sa banda in unu scontru ca torrat a sa mente un duellu mesuevale, cun motocicletas pro cuaddos e fustis pro is lanzas.
Su Dotore tando cumandat a su Boss sa sua optzione finale, e faghet bènnere de is Stadus Unius unu glaciali killer mutìdu Paganini pro ita ddi bastat isceti unu corpu e duncas no repitit, comente su violinista Niccolò Paganini. Pro cussu si serbit de unu fosili cuadu in sa custodia de unu violinu. Ogros azuros, faci pallida, bestiri gessadu, Paganini no narat unu faeddu, ma domandat meda dinare pro su traballu. Issu sighit Ben e Kid in teatru, auba Ben est faghende is provas de su coro de is pompieris, ma no arreneshcit a tènnere totu is duos a innantis. A pustis ca at provare meda bortas, parit ca siat finalmente s'ora bona. Cando però su killer aberit sa custodia de su fosili, s'agatat ca cuddu est istadu cambiadu cun unu violinu beru. Est istadu Kid, ca immoi puntat su fosili beru contra de issu.
Mentris a su ristorante su Boss e su Dotore faghent giai festa, seguros de s'èssere liberados de is duos, s'intendit una orribili sviolinada: est Paganini ca, a suta de s'amaletzu de sa sua matessi carabina, atochidat sonande e strobbat is clientes. Bitu s'ex killer, su Boss s'arrenegat, e est prontu a isfogare sa sua malesa a pitzus de su Dotore. Ma issu tenit una urtima carta. Cumbinchit difatis su Boss ca sa bera mente ca guidat Ben e Kid est in realidade Geremia, unu becigheddu ca agiudat Ben e ca, tempos a innantis, fiat istadu cuocu in su ristorante.
Cando Ben agatat Geremia allomboradu a suta de una machina, pistadu e maliconcidu, is duos protagonistas (a pustis de dd'aere naradu meda bortas) finalmente "s'arrenegant". Arribados a lestru a su ristorante de su Boss, isfundande sa gianna cun sa machina, isciusciant su locale e iscudint totu su personale, torrande a pretèndire una machina noa.
Sa die infatu su Boss, disfadu, donat a Ben e Kid ben duos dune buggy , decrarande satisfacente sa solutzioni. E si nde andat, sollevadu de sa vertentzia ca dd'at bitu pèrdere in una manera aici imprevedibile.
Mentris Ben e Kid, bregiosos po su sucessu, provant is veturas noas, ddu at un àteru intzidente: pro sbeliu Kid difatis corpit sa machina de Ben, ca si furriat e pigat fogu. Ben no si faghet nudda ma, imprumonadu, assistit a su destrossu de sa machina. Ma sa perdida andat dividida, e is duos si ponint de acordiu pro una.
Produtzione
[modìfica | modìfica su còdighe de orìgine]Ripresas
[modìfica | modìfica su còdighe de orìgine]Bud Spencer in s'interis chi donat su famadu "piccione" (su bucicone a marteddu de s'artu abbia sa conca o sa pala de su malasortidu) al su stuntman Giovanni Cianfriglia in una scena de su film. Su film est stadu giradu intra, Poggio San Romualdo, Chiari[2] e Roma, in particulare in is Studios De Paolis pro is iscenas a intro[3].
A su nùmeru17 de Calle de Postas, acanta de una gianna de Plaza Mayor, agatamus s'Hotel "Petit Palace Posada del Peine", e s'intrada sua rapresentatiat in su film s'intrada in su locale de is gangster[4].
Sa location printzipale de su film est in su ladu sud de s'Istadiu Vicente Calderon. Innoghe in su 1974 nche fiat una pratza manna chi cullegderetu s'Istadiu cun su "Puente de Toledo" (su ponte in su riu Manzanarre); in mesu nche fiat un'istrada traficada ebbia, ma ca no cuaiat sa visuale. In su de bintiunu sèculu imbetzes s'istrada traficada (est sa M-) ca prima passaiat in u riu Manzanarre, in custu puntu est istada artziada[5].
Riferimentos
[modìfica | modìfica su còdighe de orìgine]- ↑ ^ Dune buggy Puma del 1972, BudTerence.tk. URL consultato il 27 settembre 2011., in budterence.tk.
- ↑ ^ Bresciaoggi Bud Spencer a Chiari, www.bresciaoggi.it. URL consultato il 26 novembre 2018 (archiviato dall'url originale il 26 novembre 2018)., in bresciaoggi.it. URL consultadu s'8 maju 2020 (archiviadu dae s'url originale su 26 santandria 2018).
- ↑ ^ ...altrimenti ci arrabbiamo!, BudTerence.tk. URL consultato il 27 settembre 2011., in budterence.tk.
- ↑ Budterence.tk - Madrid: i luoghi di "Altrimenti ci arrabbiamo", su www.budterence.tk. URL consultato il 13 luglio 2018., in budterence.tk.
- ↑ ^ Salta a: a b Budterence.tk - Madrid: i luoghi di "Altrimenti ci arrabbiamo", su www.budterence.tk. URL consultato il 13 luglio 2018., in budterence.tk.