Abbentura de testu (videojocos)

Articulu in nugoresu

Sas abbenturas de testu (in inglesu Interactive Fiction) sun programmas pro computer chi fìnghen unu ambiente in ube sos jocadores imprèan sa tastèra pro dare cummandos a su pessonàzu de s'istòria. Sas abbenturas de testu si pòden contare siat comente traballu literàriu siat comente videojocu.

A libellu cummertziale fin populares meda in sos annos '80, essìnde pro sos home computer. Oje in dìe, est malu a nde prubicàre in su mercàu, ma in sa rètza b'at galu una truma de amantiòsos chi sìchit a iscrìver abbenturas de testu, fachènde imprèu de mèdios atzapàos de bàdas.