Acadèmia Pontificale de sa Latinidade

Dae Wikipedia, s'entziclopedia lìbera.
Jump to navigation Jump to search

S'Acadèmia Pontificale de sa Latinidade (in latinu Pontificia Academia Latinitatis) est un' istitutzione collocada in Vaticanu, suta de sa responsabilidade de su Cussìgiu pontificale pro sa cultura, fundada dae papa Beneditu XVI su 10 de santandria de su 2012[1], in su motu proprio Latina Lingua (De sa limba latina).

Missione[modìfica | modìfica su còdighe de orìgine]

Sas missiones de s'Acadèmia de sa latinidade sunt definidas dae s'artìculu 2 de su motu proprio Latina Lingua. Custas missiones cunsistint in :
a) «favorire sa connoschèntzia e s'istùdiu de sa limba e de sa literadura latina chi si tratet de sa clàssica, sa patrìstica, sa medievale o s'umanìstica, in particulare in intro de sas istitutziones de formatzione catolìcas in ue sunt formados e istruidos sos seminaristas e sos preìderos » ;
b) «promòere in cada logu s'impreu de su latinu , siat comente limba iscrita siat comente limba faeddada».

Atividade[modìfica | modìfica su còdighe de orìgine]

Su matessi motu proprio definit sas atividades printzipales de s'Acadèmia:

  • Faghere publicatziones, addòvios, cungressos de istùdiu e rapresentatziones artìsticas ;
  • Creare e agiuare cursos, seminàrios e àteras initziativas de formatzione, paris cun s'Istitutu superiore pontificale de sa latinidade;
  • Educare sas generatziones noas a sa connoschèntzia de su latinu, mescamente cun s'agiudu de sos mèdios de comunicatzione modernos;
  • Organizare presentadass, espositziones e cuncursos ;
  • Isvilupare àteras atividades e initziativas chi bisòngiant a su cumprimentu de sas finalidades istitutzionales.

Organizatzione[modìfica | modìfica su còdighe de orìgine]

S'Academia est cumposta dae unu presidente e dae unu segretàriu, nominados dae su papa pro unu mandadu de chimbe annos renoàbiles e dae membros —màssimu chimbanta— nominados dae su segretàriu de Istadu. Sa creatzione de s'Acadèmia ìmplicat sa supressione de sa fundatzione Latinitas creada dae Pàulu VI in su 1976.

Su primu presidente de s'Acadèmia est su professore Ivano Dionigi.

Notas[modìfica | modìfica su còdighe de orìgine]

  1. Benoît XVI crée une Académie pontificale de la latinité, ZENIT, 10 novembre 2012