Academia de la Llingua Asturiana
Artìculu in LSC
S'Academia de la Llingua Asturiana (in sardu Acadèmia de sa Limba Asturiana) est un'ente de su Guvernu de Astùrias fundadu su 15 de nadale de su 1980 pro s'istùdiu, sa normativizatzione, sa promotzione e sa normalizatzione de s'asturianu.
In su 1981 s'Academia at publicadu sas primas normas de iscritura istandard: "Normes Ortográfiques y Conxugación de Verbos". A pustis sa "Gramática de la Llingua Asturiana" in su 1998 e in su 2000 su "Diccionariu de l'Academia de la Llingua Asturiana".
Sa ALLA pùblicat finas "Lletres Asturianes" (bulletinu ufitziale de s'istitutzione), e àteros libros chi pertocant sa limba, sa literadura e sa cultura asturiana: "Cultures. Revista de cultura asturiana y Lliteratura. Revista lliteraria asturiana". In prus custas sèries de libros: "Toponimia" (de toponomàstica), "Llibrería Llingüística" (istùdios filológicos), "Preseos" (vocabularios), "Cartafueyos Normativos" (testos normativos de aplicatzione in su protzessu de normalizatzione sotziale de sa limba asturiana), "Llibrería Académica" (creatzione literària), "Escolín" (infantile), "Lliteratura Xuvenil", "Cuquiellu", "Mázcara" (teatru)...
Cada annu, dae su 1982, tzèlebrat sa "Día de les Lletres Asturianes", sas "Xornaes Internacionales d'Estudiu" e su "Alcuentru" "Llingua Minoritaria y Educación", biennale.
S'Academia tenet 23 membros ordinàrios, 19 membros currispondentes e 15 acadèmicos de onore. Sos acadèmicos non leant nudda pro s'incàrrigu issoro ma traballant de badas.
Presidente
[modìfica | modìfica su còdighe de orìgine]Sa presidente de s'ALLA, dae su 2001, est Ana Cano