Alberto Macciocca

Dae Wikipedia, s'entziclopedia lìbera.
Jump to navigation Jump to search

Alberto Macciocca est istadu un'imprendidore edilìtziu protagonista de unu de sos episòdios prus dramàtigos e tràzigos de s'Itàlia de sos annos setanta relassionados cun s'usura.

Macciocca, naturale de sa Ciociaria e aposentadu in Roma in su bighinadu Collatino, reghiat un'impresa minore de fraigamentos, ch'in su 1.969 aiat dèvidu parare fronte a una crisis grae, custringhende su possedidore a leare a imprèstidu una summa de 14 milliones de francos betzos dae sos gantzubucadores.

Pro rembussare s'imprèstidu naradu, Macciocca deviat abonare 600miza francos su mese. In su 1.977, a pustis de zai aer pagadu 43 milliones de azentzias, sa situassione finantziària sua si fiat fata inaguantàbile.

Su manzanu de su 9 de triulas de 1.977, leadu dae su disisperu e dae su disacunortu, aiat ochìidu cun una pistola càlibru 22 muzere sua Jolanda de 35 annos, fizu suo Bruno de 16 annos, e sas fizas suas Anna, Tamara e Moira, de 12, 11 e 9 annos respetivamente.

Deretu a pustis, aiat telefonadu a sa segredària sua antiga, comunichende-li su chi aiat fatu e s'intentu suo pròpiu de si suitzidare, e tando si fiat tiradu contra cun una P38 special Smith & Wesson Sa polima, cròmpida a s'apartamentu pagu ora a pustis, l'aiat agatadu anguniende. Macciocca fiat istadu trasportadu a s'ispidale e fiat resèssidu a si sarvare, peroe aiat pèrdidu sa bista.