Andera GR 20

S'andera GR 20, ubigada in Còrsiga e longa 200 km., est cussiderada una de sas anderas prus difìziles e suzestivas in Europa.

S'isterrit dae Calinzana, in su nordu-uestu de s'ìsula, finas a Conca, in su suddu-estu, sizende artàrias de prus de 2.000 metros e permitende de ammirare paisazos istupendos pobulados dae fauna agreste bundantziosa.

Sos caminadores cumpetitivos bene assussados sunt capatzos de la cuguzare in prus pagu de una die e mesu, cando chi a sos caminadores normales (ch'in onzi casu devint possuer tzerta isperièntzia) est cussizàbile a si leare 15 dies a su nessi pro cumpretare su cursàriu e a afrontare s'imprendimentu petzi a s'istiu.

S'andera est sinzolada in ruju e arbu e non devet esser abandonada mai. Su cursàriu rugrat unos cantos trighinzos in ue est possìbile a si reaprovisionare, e est probidu de refuzos in ue a colare sa note.