Another

Dae Wikipedia, s'entziclopedia lìbera.


Articulu in nugoresu

Another (アナザー , Anazā) est unu romanzu horror giapponesu chi b'at tentu s'idea Yukito Ayatsuji e Kadokawa Shoten l'at prubbicau in su 29 de Santu Gabine in su 2009. Una vortada in manga l'at prubbicada Young Ace (de sa Kadokawa Shoten etottu) in intro de maju in su 2010 e de jannarju in su 2012. Su primu episodiu de sa serie anime est istau trasmissu in su mese de jannarju de su 2012.

Trama[modìfica | modìfica su còdighe de orìgine]

In su 1972 un'istudiante populare meda de lumen Misaki ispirat pro un'intzidente in su cursu de s'annu iscolasticu. Sa classe inube attendiat sas lessiones, sa setzione 3 de sa Yomiyama Nord, abbarrat tottu abbuluzada e isseperat de sichire s'annu comente chi nudda siat mai accadiu, adderettura fachende finta chi issa non sia mai bennia a mancare lassandeli unu bancu liberu e fintzas su postu in sa die de su diploma. Sa pitzocca morta peroe, cosa ispantosa, b'est in sa foto de classe.

In s'istajone de beranu de su 1998 unu pitzoccu de 15 annos, chi si nat Koichi Sakakibara, accudit a sa bidda de Yomiyama dae sa tzittade de Tokyo pro istare in cumpanzia chin sos jajos suos, in su mentras chi su babbu traballat in India. Attendet sas lessiones propriu in sa setzione 3, ma perdet una parica 'e chidas pro neghe de unu pneumotorace. Cando est in ricoveru, sos cumpanzos novos de classe sua li fachen visita e a pustis s'adobiat chind una misteriosa pitzocca, de lumene Mei Misaki, chi paret andande a s'obitoriu.

Una borta torrau in salude e dimissu, su pitzoccu cumintzat s'iscola fachendesi cussizare prus de carchi cosa dae tia sua: issa puru, peroe, non li narat nudda issupra su cumportamentu chi tenen sos fedales suos chin Mei, chi la trattan comente chi no esistat. Koichi est in cuffusione semper de prus e pedit prus vortas su chi est sutzedinde siat a Misaki etottu siat a sos cumpanzos, chi peroe non li torran imposta.

Sa tensione chi ja b'aiat a primu aumentat galu de prus cando una cumpanza de classe sua, Yukari Sakuragi, siche morit male istrampande dae s'iscala e acabbande impalada in sa punta de su parabba. A sa fine, che torrat a pizu chi custa morte siat petzi una de sas paritzas ligadas a sa classe 3 - 3. Edduncas Koichi e sos amicos suos Mei, Naoya Teshigawara, Tomohiko Kazami e Yuya Mochizuki chircan de isorvere su misteriu de cuss'annu malu 1972 ca dae cughe est cumintzau tottu: difattis sa morte sichit a corfere chenza piedade sa setzione 3 cando resurtat chi b'est un'istudiante in prus, ja bell'e mortu dae tempus meda, chi est sa causa primaria de tottu su chi de malu capitat in sa classe.