Antònia Mesina

Dae Wikipedia, s'entziclopedia lìbera.
Jump to navigation Jump to search

 

Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu

(IT)
« E rallegratevi con me anche voi della diocesi di Nuoro, voi cittadini di Orgosolo e dell'intera Sardegna, per la giovane Antonia Mesina, che oggi proclamiamo beata. Il suo martirio è anzitutto il punto di arrivo di una dedizione umile e gioiosa alla vita della sua numerosa famiglia: è stato il suo sì costante al servizio nascosto in casa che l'ha preparata ad un sì totale. [...] Il fascio di legna raccolto per fare il pane nel forno di casa, quel giorno di maggio del 1935, rimane sui monti accanto al suo corpo straziato da decine e decine di colpi di pietra. Quel giorno si accende un altro fuoco e si prepara un altro pane per una famiglia molto più grande. »
(SC)
« E alligrade·bos cun megus fintzas bois de sa diòtzesi de Nùgoro, bois tzitadinos de Orgosolo e de sa Sardigna intrea, pro sa giòvana Antonia Mesina, chi oe proclamamus biada. Su martìriu suo est, in antis de totu, su puntu de arribu de una daidura ùmile e alligra a sa bida de sa famìlia numerosa sua: est istadu su eja sighidu suo a su servìtziu cuadu in domo chi l'at preparada a un'eja totale. [...] Su fàsciu de linna collidu pro fàghere su pane in su furru de domo, cussa die de maju de su 1935, abarrat in sos montes acanta a su corpus suo magheddadu dae deghinas e deghinas de corfos de perda. Cussa die s'allumat un'àteru fogu e s'ammaniat un'àteru pane pro una famìlia meda prus manna. »
(Giuanne Pàule II, omelia de sa missa de beatificatzione, 4 de santugaine de su 1987)
Biada Antonia Mesina
Biada Antònia Mesina, vìrgine e màrtire
Nàschida21 de làmpadas de su 1919
Orgòsolo
Morte17 de maju de su 1935
Orgòsolo
GenitoresMama: Gràtzia Rubanu
Babbu: Agostinu Mesina
ReligioneCatolitzèsimu

Antònia Mesina (Orgòsolo, 21 de làmpadas de su 1919Orgòsolo, 17 de maju de su 1935) est venerada che a biada dae sa Crèsia catòlica, chi nde tzèlebrat sa memòria litùrgica su 17 de maju.

Che a Maria Goretti, Antonia Mesina, sòtzia lega de s'Atzione Catòlica, l'ant ochida in su mentres chi si fiat oponende a unu tentativu de violèntzia sessuale; pro custu sa Crèsia reconnoschet in issa una "màrtire de sa puresa".

Biografia[modìfica | modìfica su còdighe de orìgine]

Panorama de Orgòsolo. In bassu a manca si podet bìdere sa crèsia parrochiale betza de sa bidda, in ue Antonia Mesina at retzidu sos sacramentos. Acanta a sa crèsia b'est su campusantu, in ue sa salma de sa giòvana est abarrada in antis de l'àere tramudada a sa cripta de sa crèsia parrochiale noa de Santu Perdu.

Antònia Mesina est nàschida in Orgòsolo, tzentru barbaritzinu in provìntzia e diòtzesi de Nùgoro. Fiat sa segunda de sos deghe fìgios de Agostinu Mesina, guàrdia campestre, e de Gràtzia Rubanu. L'ant batiada in sa parròchia de Santu Perdu e at retzidu sa Crèsima su 10 de santandria de su 1920, dae sas manos de su pìscamu de Nùgoro Luca Canepa.

A s'edade de sete annos at retzidu sa prima Comunione. At fatu parte de sa Gioventude Feminile de s'Atzione Catòlica, dae su 1929 a su 1931 che a "beniamina", dae su 1934 che a sòtzia efetiva.

Su mangianu de su 17 de maju de su 1935, a pustis de àere pigadu parte a sa missa in parròchia, est andada a su sardu a fùrriu a sa bidda chirchende linna, netzessària pro sa coghidura de su pane in domo. In caminu at adobiadu una bighina de domo, Annedda Castangia, chi a pustis diat divènnere su testimòngiu printzipale de sos fatos in su protzessu penale e de beatificazione.In su mentres chi sas duas giòvanas fiant lighende in fàscios, postos in terra a carchi deghina de metros unu cun s'àteru, sa linna collida, Ignazio Catgiu, paesanu suo de bintun'annos, at agraedidu a Antònia Mesina, l'at tragada a intro de sas tupas e at intentadu de la violentare. Non chessinde in s'intentu suo, Catgiu at bisestradu sa pitzoca cun 74 corfos de perda, comente at verificadu s'autopsia. S'ùrtimu corfu, infertu cun una perda manna, l'at segadu sa conca e isfiguradu sa cara.[1] Antònia Mesina non teniat nemmancu sèighi annos cando l'at ochida. S'interru, partetzipadu dae totu sos orgolesos, l'ant fatu in su 19 de maju. Ignazio Catgiu l'ant pigadu e cundennadu a morte su 27 de abrile de su 1937, sentèntzia esecutada pro mèdiu de sa fusilatzione acontèssida su 5 de austu de su matessi annu in Pradusardu, in sa comuna de Nùgoro.

Beatificatzione[modìfica | modìfica su còdighe de orìgine]

Armida Barelli, chi aiat connotu Antònia Mesina durante una bìsita a Orgosolo, su 5 de santugaine de su 1935 at informadu su paba Pio XI de su fatu, presentende sa giòvana cun custas paràulas: "Nos permitimus de presentare su primu frore de sa Gioventude Feminina de s'Atzione Catòlica Italiana, su primu fìgiu segadu dae su martìriu, sa seighenne Antonia Mesina de Orgòsolo, educada a s'iscola de Maria Goretti".

Su 22 de cabudanni de su 1978 paba Giuanne Pàule I at fatu incumentzare su protzessu de canonizatzione. Antonia Mesina, in paris cun Pierina Morosini e Marcel Callu, l'ant beatificada su 4 de santugaine de su 1987 Giuanne Pàule II.

Su corpus de sa biada est espostu a sa veneratzione de sos fideles in sa cripta de sa crèsia parrochiale moderna de Orgòsolo, in su tzentru de sa bidda, a curtzu a sa domo de nàschida sua.

Riferimentos[modìfica | modìfica su còdighe de orìgine]

  1. (IT) Antonia MESINA, in banchedati.chiesacattolica.it. URL consultadu su 23 maju 2020.

Bibliografia[modìfica | modìfica su còdighe de orìgine]

Artìculos ligados[modìfica | modìfica su còdighe de orìgine]

Àteros progetos[modìfica | modìfica su còdighe de orìgine]

Ligàmenes esternos[modìfica | modìfica su còdighe de orìgine]

Controllu de autoridadeVIAF (EN71236649 · ISNI (EN0000 0000 4746 4268 · LCCN (ENnr89011460 · WorldCat Identities (ENnr89-011460