Assimilatzione culturale

Dae Wikipedia, s'entziclopedia lìbera.


Articulu in nugoresu

Sa assimilatzione o assimizatzione curturale est una zenìa de accurturatzione, chi descrivet su protzessu in ube una persone o unu grupu si lassat a palas sa curtura de orizine sua pro istròchere e a s'acabu fachere propia cussa egemonica de un'ateru. Sa teoria de s'assimilatzione curturale, chi dae semper est in imprèu fitiànu in sos Istados Unidos, si ponet contra su multicurturalismu, chi est in Canada o in sa prus parte de s'Unione Europea.

Unu fatu iscandalosu, chi podet fachere de esempiu, est sutzessu in Australia, in ube a sa zente nadia sos colonialistas li picabant a de notte sos pitzinnos, pro chi essèrent "intzivilìos" a sa manera de sos tzitadinos, chi aìant abbandonau sa curtura de su populu insoro.

A su solitu accadit chi sos chi sunt suzetos a s'assimilatzione curturale siant etnias chi, cando sunt in disterru, fachent insoro sa curtura de cussa de su locu o pèri minorìas chi sunt "surbìas" in intro de una comunidade prus manna e istitutzionalitzada.

Custu protzessu juchet a s'iscumparta de totus sas carateristicas curturales chi de cussu gruppu de minorìa nde fachìant unu populu distintu. Una regione o trètu in ube bi at àppiu calesisiat assimilatzione curturale si narat melting pot.

Bibliografia[modìfica | modìfica su còdighe de orìgine]

  • Michèle Tribalat, De l'immigration à l'assimilation: enquête sur les populations d'origine étrangère en France (avec la participation de Patrick Simon et Benoît Riandey) Paris, La Découverte, 1996. ISBN 2-7071-2543-1