Bellunu

Dae Wikipedia, s'entziclopedia lìbera.
Jump to navigation Jump to search

Bellunu est una bidda italiana de 35.328 abitadores, cabitale de sa provìntzia bèneta a su matessi nùmene.

Fundadu comente “municipium” romanu in su I sègulu in antis de Cristos, est atuarmente sa comuna prus pobulada de sa provìntzia e sa de sete cabitales provintziales bènetas, gasi che sa prus tramuntanesa. Sa bidda est posta in sa cropadura de su traìnu Ardo e de su riu Piave, posissione defensiva istratèziga pro sa cale est istada protagonista in sas duas gherras mundiales.

Bellunu at retzidu su tìtulu de Bidda arpesa de s'annu 1.999.

Su produtu gastronòmigu prus tìpigu de sa comuna de Bellunu est seguramente su pastin, incrùdidu in sa lista de sos produtos agroalimentàrios tradissionales italianos. Est chistione de un'ispetzialidade a base de petza trisinada grusseramente, servida paris cun sa pulenta o in intro de unu cogone, tradissionarmente cun su casu de pràdica.

Un'àteru produtu tìpigu de su de Bellunu est su salàmene bellunesu, amaniadu cun petzas mèschias de porchinu, boìnu, oìnu, cabrinu e echinu, paris cun una prochentale dae su 20% a su 25% de lardu de porchinu. Su produtu zai est descritu in una pubrigadura de su 1.880 e si cumbinat cun su pane o sa pulenta.