Benaltrismu

Dae Wikipedia, s'entziclopedia lìbera.
Jump to navigation Jump to search

Nùgoro-Istemma.png
Articulu in nugoresu
Nùgoro-Istemma.png

Benaltrìsmu, benatterìsmu o benattrìsmu (benaltrismo in italianu) est unu noulozismu chi b’est in su campu de sas issientzias politicas (italianas). Su faveddu fachet sintesi de s’espressione “Atteru bi dìat bòlere!” chi s’impreat pro inditare s’orizine o su sorvimentu de unu problema ind un’atteru chi si credet, a bisu de su chi faveddat, semper de prus mannu importu de su chi narat s’attera pessone in meritu.

Imprèu[modìfica | modìfica su còdighe de orìgine]

Sa tesi benatterista si esponet semper in mesu o a s’acabbu de un’arresonu, contr’a su tentativu de acattare ind unu problema siat s’orizine siat su sorvimentu suo, nande chi “tantu ja sun custos sos problemas!” de manera ironica o “tantu sos problemas sun atteros”. Custa est una manera pro chi s’autore podat rebuzare e botzare derettu comente “illegittima ca est inutile” calesisiat cosa o resurtau chi b’est essinde a capu de una chistione, chene narrer peroe su chi pessat abberu in supra de sa chistione etottu e de su chi sos atteros b’an pessau a pizu. Su benatterismu est una fallacia logica chi a s’ispissu sa zente bi rughet cando si chistionat de materia cuntroversa, mascamente politica, pro che fughire dae s’arresonu chene si esponnere nande chi, prima de pessare a custu problema, dìat toccare a lu fachere pro “sos problemas mannos de sa zente”, istande chiettu e tranchillu ca, tantu, nemmos lìllu at a dimandare itte dìan essere, cussos “problemas mannos”.