Biberone

Dae Wikipedia, s'entziclopedia lìbera.
Jump to navigation Jump to search
Biberones

Su biberone est unu retzipiente chi s’impreat pro dare late, aba e àteros lìchidos a sos bebès o pitzinnos, chi pro more de su livellu issoro sigomotòriu non podant bufare in tassa. Bi nd’at de diferentes ballùmenes (100 ml, 250 ml, eac.). Su biberone est cumpostu dae unu tubu, atuarmente de pràstiga, e dae unu cavacu cunzàbile in manera ermètiga probidu de unu sutzete fressìbile adatàbile a sa buca de s’infante, chi tenet un’istampu minore peri su cale su pitzinnu bufat, assorvende su lìchidu.

Su funtzionamentu de su biberone tirat profetu dae s’istintu de sutzadura chi possuint sos pitzinnos zai dae su tempus prus minore, e permitet de los alimentare in sos mamentos in ue sa mama no est disponìbile pro los allatare.

Sa prima noa subra de custu imbentu fiat istada pubrigada in su 1767.

Sende chi est unu retzipiente de impreu reiteradu, chi cuntenet sustàntzias fàziles a curromper, e destinadu a s’alimentadura de sos infantes, s’izene de sos biberones devet esser contivizada in manera particulare.

Unu probrema cunnotu de sos biberones est s’acumuladura de abarros alimentares in partes inatzessìbiles de su biberone (mescamente in sas cumissuras de su sutzete e in su mecanismu de cunzadura), e chi podent provocare sa proliferadura de batèrios patòzenos, chi rennent possìbile sa cuntaminadura cunseghidora de su cuntènnidu de s’ampulla. In s’atualidade, sos biberones disponìbiles in su mercadù disponent de formas e sistemas de cunzadura chi mìnimant sa cumparta de depòsitos, peroe sos mecanismos narados non devent sustituer mai unu cuidadu mannu cun su samunonzu e s’isterilizadura de sos biberones in antis de onzi impreu.