Brazzaville

Artìculu in LSC

Bista subra sa tzitade

Posidura in s'istadu

Brazzaville est sa capitale e sa tzitade printzipale de sa Repùblica de su Congo. Sa populatzione sua est de 1.326.975 bividores (2006), su tres unu de sa de totu s'istadu. Est posta in s'oru deretu de su riu Congo, in fache a Kinshasa, sa capitale de sa Repùblica Democràtica de su Congo. Dae su 1980 su munitzìpiu de Brazzaville tenet istatus autònomu paris a cale si siat àtera regione congolesa e non dipendet prus dae sa regione chi dd'istat a inghìriu de Pool; si partzit in 7 distritos: Makélékélé, Bacongo, Poto-Poto, Moungali, Ouenzé, Talangaï e Mfilou.

In die de oe est unu tzentru importante de comunicatziones ferruviàrias (ferruvia Congo-Otzèanu) e fluviales e de esportatzione de màrfilu e gomma. Tenet puru fàbricas de materiale ferruviàriu e indùstrias agroalimentàries, chìmicas e de fabricatzione de sabone. Est su tzentru industriale, culturale e econòmicu prus importante de s'istadu congolesu. Disponet de s'aeroportu de Maya-Maya.