Browsh
campidanesa. Abbàida sas àteras bariedades gràficas:
logudoresu · LSC · nugoresu
| Browsh | |
|---|---|
 | |
| Data prima versione | 23 abrile 2016 |
| Ùrtima versione | 1.8.3 (29 ghennàrgiu 2024) |
| Sistema operativu | cross-platform |
| Limbàgiu | Go e JavaScript |
| Litzèntzia | GNU Lesser General Public License, version 2.1 |
| Situ web | |
Browsh est unu navidadori web chi podit essi esecutau in unu terminali a lìnia de cumandu, fintzas a traessu de protocollus comenti ssh o Mosh. Arrapresentat totu is elementus de is pàginas web, màginis e vìdeus includias, comenti testu.
Tecnologia
[modìfica | modìfica su còdighe de orìgine]Candu Browsh est esecutau, circat unu navigadori cumpatìbili (a oi, Firefox sceti) e ddu ponit in esecutzioni chena sa parti gràfica. Custu navigadori cuau torrat sa pàgina chi s'usuàriu at pediu a Browsh chi dda ligit e dd'amostat impreendi caràtiris de testu sceti. Is elementus gràficus ddus creat impreendi su mesu-blocu UTF-8 (▄) chi permitit de amostai duus coloris (sa parti assusu comenti colori de fundu e sa parti abàsciu comenti colori de su testu). S'arresurtau est chi sa pàgina est amostada comenti est, mancai cun d-una gràfica simplificada meda, impitichendi sa cantidadi de datus de imbiai a su terminali (a una mesura fata in su 2018, una pàgina de 3MB at bòfiu sceti 15KB).[1]
Parris
[modìfica | modìfica su còdighe de orìgine]Calincunu biit custu navigadori comenti unu càmbiu modernu po navigadoris a testu, comenti Lynx.[2] Àterus pensant chi custa solutzioni siat pagu pràtica.[3]
Riferimentus
[modìfica | modìfica su còdighe de orìgine]- ↑ (EN) Introduction, in Browsh. URL consultadu su 20 austu 2020.
- ↑ (EN) Browsh: A Modern, Text-Based Web Browser - Phoronix, in web.archive.org, 15 cabudanni 2018. URL consultadu su 20 austu 2020 (archiviadu dae s'url originale su 15 cabudanni 2018).
- ↑ (ES) Javier Pastor, Browsh es el navegador que muestra la web en ASCII: poco práctico, pero sorprendente como concepto, in Xataka, 10 trìulas 2018. URL consultadu su 20 austu 2020.