Cùcuru de is Arrius

Dae Wikipedia, s'entziclopedia lìbera.
(Reindiritzadu dae Cùcuru de is Rius)
Jump to navigation Jump to search

Coordinatas: 39°55′00″N 8°31′25″E / 39.916667°N 8.523611°E39.916667; 8.523611

Flag of Sardinia, Italy.svg
Artìculu in LSC
Flag of Sardinia, Italy.svg

Tìpicas istàtuas de sa Dea Mama. In Cùcuru de is Arrius nde sunt istadas agatadas a su mancu una dosina. Fiant usadas prossimai in sos rituales de interramentu

Cùcuru de is Arrius est unu situ archeològicu de sa Sardigna tzentru-otzidentale, in ue sunt istados agatados repertos de perìodu istòricu cumpresu intre su de 4 millènnios i.C. e s'edade romana imperiale. S'agatat in unu montigreddu a Sud de s'istàngiu de Crabas, in territòriu de su comune de Crabas, provìntzia de Aristanis.

Paritzas de sas iscobertas fatas in Cùcuru de is Arrius sunt ùnicas in sa Sardigna e in totu su Mare Mediterràneu.


Sos traballos de isgavu sunt istados fatos intre su 1976 e 1979, in paris tempus cun sos de realizatzione de su canale iscucuradore chi de s'istàngiu de Crabas andat a su Gulfu de Aristanis.

Su logu at torradu una necròpoli de su Neolìticu Mèdiu de cultura Bonuighinu, cumposta de tumbas isgavadas in grutigheddas fatiscas. Is tumbas sunt una bintina, ma de custas isceti sa de tres partes una est istada isgavada.

In su Neolìticu Superiore Cùcuru de is Arrius fiat abbitadu de gente de cultura de Santu Triagu, Otieri e Abealzu.

A s'acabu de s'Èdade de su Brunzu bi fiat pesadu unu templu nuraghesu a putzu.

In Época Pùnica bi fiat fraigadu unu sacellu chi fiat sempremmai usadu pro sacrifìtzios de animales minores. Su sacellu est istadu usadu fintzas in època romana republicana.

In die de oe su situ s'agatat inghiriadu de abba, in una isuledda chi istat in mesu a su canale iscucuradore. Est in istadu de abandonu e non podet èssere bisitadu.