Caminadorzu

Dae Wikipedia, s'entziclopedia lìbera.

Unu caminadorzu est un tretu elevadu posissionadu a costazos de unu caminu, reservadu a su trànsitu e a s'istassionamentu de sos piones.

S'artìgulu 3, par. 1°, n. 33 de su Còdighe de sos caminos definit comente caminadorzu “sa parte de su caminu, in foras de sa caminera, supesada o alindada e protèghida in àtera manera, destinada a sos piones”.

Custu sinnìfigat chi unu beìculu non tenet perunu deretu de istassionare o tzirculare in su caminadorzu, cun sa dèroga de sas rampas probidas a s'efetu pro s'atzessu a arzolas eventuales isternas a sa caminera creadas apositivamente, che pro narrer aparcadorzos, garazos o propiedades privadas.

In su casu chi unu pione rugraret sa caminera reservada a su tràfigu de beìculos pro nche sizire su caminadorzu postu in su chirru contràriu de custa ùrtima, diat dever impreare sos coladorzos pro piones probidos a s'efetu, sinzolados dae sinzales bertigales apositivos o dae unu semàforu.

Su caminadorzu zenerarmente format parte de su realincu, in sa matessi manera chi nde formant parte finas sos caminos, boghende unos cantos casos de lotizaduras in ue sunt de propiedade privada, mancari siant abertos a sa tzirculadura pùbriga.