Arma de sos Carabineris

Dae Wikipedia, s'entziclopedia lìbera.
(Reindiritzadu dae Carabinieri)
Istemma de sos carabineris

S’Arma de sos Carabineris est una de sas bator fortzas armadas italianas, cun cullocadura autònoma in su cuadru de su Ministèriu de sa Defesa.

Est istada fundada su 13 de triulas 1814 po voluntade de Vittoriu Emanuele I, re de Sardigna, comente difensores de s'Istadu e comente organu de politzia. Carabineris, ca funi armados de carabina.

Est una fortza militare de polima in servìtziu permanente de seguràntzia pùbriga. Pro more de sa creze sua dupra de fortza militare e fortza de polima, li sunt assinnadas tareas militares in ue cuncurret a sa defesa de su territòriu italianu, garantit sa seguràntzia de sas rapresentaduras dipromàtigas italianas in logu istranzu, leat parte a sas operaduras militares in Itàlia e addae de làcana in sa base de sa pranifigadura de impreu apostivigada dae su cabu de istadu mazore de sa Defesa, isvilupat sas funtziones de polima militare, gasi comente, in s’arrimu de sos còdighes penales militares, de polima zudissiària militare in sa dependèntzia de sa zustìssia militare. In su cuadru de sos poderes de polima, isvilupat sas funtziones de polima zudissiària e de seguràntzia pùbriga in sa dependèntzia funtzionale de su ministru de sos Afares Internos. Su cumandadore zenerale atuale est su Zenerale de corpus de armada Leonardo Gallitelli.

In tempos passados faghiana servitziu movindesi a pe, a caddu; a poi cun sas camionettas; como cun sas machinas e furgones. Sunu istados sempre presentes in logos colpados dae calamidades : Messina(1908), Marsica-Avezzano (1915),Belice(1968), Friuli (1976), L'Aquila (2009),e dae alluviones: Polesine (1951), Firenze (1966) e in ateros logos. In casu de emerzèntzia, pro cuntatare sos carabineris in Itàlia est pretzisu a marcare senacostu, in cale si siat telemòbile o telèfonu firmu, su nùmeru 112.

Sos carabineris, in sardu, sunt mutidos in su limbazu familiale “bonetes nieddos”. Sa Patrona de sos carabineris est sa Madonna, “Virgo Fidelis”, e i sa festa su 21 de santandria. Sa caserma de sos carabineris b'est in guasi totu sos comunes de Italia.