Comunidade de sos Istados Indipendentes

Dae Wikipedia, s'entziclopedia lìbera.
Jump to navigation Jump to search

Flag of Sardinia, Italy.svg
Artìculu in LSC
Flag of Sardinia, Italy.svg

Mapa de sa Comunidade de sos Istados Indipendentes
Bandera

Sa Comunidade de sos Istados Indipendentes (CII; in russu, Содружество Независимых Государств, tr. Sodrúzhestvo Nezavísimyj Gosudárstv) est un'organizatzione supranatzionale cumposta dae deghe de sas bìndighi ex-repùblicas sovièticas, cun s'etzetzione de sos tres istados bàlticos (Estònia, Letònia e Lituània), chi in die de oe sunt membros de s'Unione Europea; su Turkmenistàn, chi at abbandonadu s'organizatzione su 26 de austu de su 2005 pro si cunvertire in membru assòtziadu; e Geòrgia, chi s'est retirada su 18 de austu de su 2009. Sa Mongòlia partètzipat a unas cantas istruturas de sa CII che a membru miradore. Mancari istadu istadu fundadore, s'Ucraina de iure no est membru de sa CII sende ca no at ratificadu s'istatutu de s'organizatzione, mancari est unu partetzipadore de facto.

Sa CII fiat fundada su 21 de nadale de su 1991, tenet istèrrida de 20.996.932 km² e contat populatzione de unas 276.917.629 pessones.

Sa creatzione sua at signadu s'isparzimentu de s'Unione Soviètica e, segundu Vladímir Putin, su propòsitu suo est istadu su permìtere unu "divòrtziu tzivilizadu" intre sas repùblicas chi cunformaiant s'URSS. Dae sa creatzione de sa CII funt istados firmados numerosos acòrdios subra cooperatzione econòmica, defensa, relatziones internatzionales e seguridade colletiva intre sos Istados chi ddi sunt membros. Dae custa comunidade est naschida s'alliàntzia polìticu-militare, narada Organizatzione de su Tratadu de sa Seguresa Colletiva.