Corpete contraballas

Dae Wikipedia, s'entziclopedia lìbera.
Jump to navigation Jump to search

Su corpete contraballas est un'indumenta impreada dae s'armada e dae sas fortzas de seguràntzia, chi servet a protegher s'operadore dae sos tiros de fogu o dae sas ascras de ucheddamentu de isprosivos, arressende sa balla o sas ascras in intro suo.

Zenerarmente, est formadu dae unu cuntenedore isternu in pannamenta balìstiga e panneddos balìstigos mùrtipros internos de acordu cun su gradu de proteghidura. Sos panneddos balìstigos, in manera zenerale, sunt custituìdos dae pizos mùrtipros de fibras aramìdigas intritzidas o tèssidas e colladas a su microfilme de polietilenu. Sa funtzione de sas fibras est a assorber o isperdissiare sa fortza de arressada e penetradura de su prumu o de s'ascra peri sa deformadura pràstiga (illonghiamentu) de sas fibras etotu. Su nùmeru de pizos subrapostos detèrminat sa capatzitade de proteghidura de su panneddu balìstigu, zenerarmente crassifigadu in crasses de proteghidura NIJ (Istados Aunidos) o SK (Alemània).