Cuntierra:Pinnetta
Tia cherrer narrer calchi cosa subra sas pinnettas, pro aggiunghere e prezisare, in modu chi si potad aere un'idea pius prezisa subra su ch'est una pinnetta. Mi paret chi siat impoltante a distinghere tra sas pinnettas de sa Barbagia e' cussas de su Logudoro (Deo so de Chelèmure e, in bidda mia, bind'hat unu muntone de pinnettas,chi, mancari sian proteggidas dae sa Suprintendentia, nde sunu ruende!), chi sun divescias dae sos pinnettos!
Diffattisi, in su Mejlogu sas chi sun fattas palte in pedra e palte in canna (o atteru), si jaman pinnettos; sas chi sun fattas solu in pedra, dae fundu a punta, si jaman pinnettas. Deo penso chi, in sa zona mia,su Mejlogu, su pinnettu l'impittaiat su massaiu, mentres chi sa pinnetta selviat a su pastore. Subr'a' cust'argumentu, tia cherrer intender su parrer de sos istudiosos. Foltzis cust'idea mia non èst sa piu justa e nde so dudosu, pro su motivu chi non est in tottue sa matessi cosa. Diffattisi custu mi faghet torrare a su motivu chi m'hat juttu a bos iscrier custas rigas. Cheria prezisare chi sa pinnetta non est solu sa chi azzis presentadu (pedra e canna), ma, segundu me, subratottu, cussa fatta, a siccu, solu in pedra.
Deo m'happo cheffidu leare su gustu e mind'happo fattu fagher una in sa campagna mia (si cherides,bos imbio una fotografia).
Mi faghet piaghere de agattare custas cosas in internet, in modo chi potat arrejonare, senza pro folza dever brigare(= cuntierrare?)
Giuanne Pala de Chelèmure — Su cummentu non firmadu in antis est istadu insertadu dae 78.12.222.17 (cuntierras • contributziones), su 11:40, 2 Mar 2010.
- Sas notiscias e bideas tuas sunu meda interessantes. Deo non isco si pinnettu e pinnetta sian diversos. Po cantu riguardat su materiale in d'ogni logu las faghian cun su chi aiana, ad esempiu in Bessude b'at pinnettas medas solu in pedra, pruite in cussa zona b'aiat meda de i cussa pedra lada (bianca) e gai matessi est in Giave, in sas zonas de Siligo, Turalva e gai, ca sunu in terrinu pius bonu, massimu in sas baddes, medas sun fattas cun sa pedra e i sa canna. In Barbagia a esempiu in Dorgali sun fattas in pedra e linna de nibaru gai matessi in Baunei, ecc. Quindi pesso chi dipendat meda dae sa diponibilidade de i su materiale. Pero non chelzo narrer chi tue non eppas rejone. Como mi informo in bidda pro ischire si nois puru amus cussa distintzione e poi ti lu fatto ischire. Po cantu reguardat sa pinnetta chi t'asa fattu faghere in su terrinu tou si mandas calchi foto faghet meda piaghere. Tenedi contu.--Fpittui 02:03, 8 Maj 2010 (CEST)