Dasymutilla occidentalis

Custu artìculu est iscritu in sa grafia logudoresa. Abbàida sas àteras bariedades gràficas:

campidanesu · LSC · nugoresu

Formigàrgia, fromigàrgia
Sa formigàrgia fèmina (Dasymutilla occidentalis)
Classificatzione sientìfica
Rennu: Animalia Phylum: Arthropoda Classe: Insecta Òrdine: Hymenoptera Famìlia: Mutillidae Gènia: Dasymutilla Ispètzia: occidentalis
Nòmene binomiale
Dasymutilla occidentalis

Sa formigàrgia, fromigàrgia o frommircàrgia (Dasymutilla occidentalis) est unu bobboi belenosu chi si assimìgiat a una frommica piluda e orrùbia. Su numene suu faet riferimentu a s'àrgia, genia de arangiolu mortale. Sa frommicàrgia no est una genia de bobboi ebbie, ma est una famìlia de 7000 e prus genias de ghespa fèminas irdaladas mannas chi parent frommigas piludas, chi si narat mutìllados (Mutilladae).

Medas funt sos colores chi podent tènnere, aràngiu, nieddu, biancu ma peri grogu. Sa funtzione de custos colores est aposemàtica, serbit po fàere ischire a sos predatores ca non cumbenit a ddas atacare. Funt nòdias meda po sa puntura issoro. Sa puntura de una genia de custa arratza, sa Dasymutilla klugii, est avalorau che a unu tres in s'ìnditze de su dolu de sas punturas de bobbois de Schmidt. Sas formigàrgias no funt bobbois malos e no podent morrere òmines mannos, mancari sa potèntzia de su belenu issoro.