Dii internatzionali de is mancosus

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu in sa grafia Provintzia de Casteddu-Istemma.pngcampidanesaProvintzia de Casteddu-Istemma.png. Abbàida sas àteras bariedades gràficas:

logudoresu · LSC · nugoresu

Manifestada in Londra, 2002

Sa dii internatzionali de is mancosus est un'acuntessimentu internatzionali tzelebrau dònnia annu su 13 de austu. Est stètiu istabilèssiu a manera ofitziali de su tzìrculu Lefthanders International in su 1992, mancai sa matessi dii ddoi fessit giai un'afussioni pretzisa giai de su 1973 (in unu perìodu innui sa cultura pobulari no atzetàt a discansu s'idea chi essi mancosu fessit cosa normali).[1] S'ànimu de sa dii est su de spainai su connoscimentu de sa lateralizadura prus pagu difùndida intra sa populatzioni e is cunsighèntzias suas, siat positivas siat incumbenientis, ligadas a sa vida diària. Unus cantu eventus currelaus a sa dii spàinant su connoscimentu de ainas e trastus progetaus po mancosus, cun atentu mannu po cussus po pipius.[2]

S'afussioni est festada in paisus meda de su mundu. In su solu Rennu Auniu, po esempru, si funt arregistraus unus binti eventus regionalis. In calincunu de issus, unus cantu pub serbiant a is fitianus comenti chi fessint mancosus, a s'incontràriu de cantu acuntessit de sòlitu. In àteras esposiduras is dèstrinus podiant proai ainas e trastus progetaus po sa manu manca, bortendi aici sa costumàntzia.[3]

Riferimentus[modìfica | modìfica su còdighe de orìgine]

  1. (EN) Left Handers Day, August 13th, in www.lefthandersday.com. URL consultadu su 13 austu 2021.
  2. (EN) Top 10 Left Handed Products, in www.lefthandersday.com. URL consultadu su 13 austu 2021.
  3. (EN) About International Lefthanders Day, in www.lefthandersday.com. URL consultadu su 13 austu 2021.

Ligàminis esternus[modìfica | modìfica su còdighe de orìgine]