Emblema de sa Repùblica Sotzialista Soviètica Azera

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Emblema de sa Repùblica Sotzialista Soviètica de Azerbaigiàn

S'emblema de sa Repùblica Sotzialista Soviètica Azera fiat istadu ufitzialmente adotadu su 14 martzu de su 1937, e fiat impreadu a istemma ufitziale de s'istadu fintzas a su 1992, cando fiat costituida sa repùblica indipendente de Azerbaigiàn, pesada a pustis de s'iscontzu de s'Unione Soviètica.

Paris giai totu sos istemmas de is repùblicas sovièticas, fintzas su de sa Repùblica Sotzialista Soviètica Azera s'ispirat in manera ladina a su de s'Unione Soviètica. Difatis si bi agatant riferimentos medas tìpicos de s'aràldica sotzialista: sa farche e marteddu, s'istedda ruja a chimbe puntas (rapresentende su domìniu de su comunismu subra de is chimbe continentes), is riferimentos a sa produtividade agrìcula (is ispigas de trigu e su cotone) subra de sa curnisa esterna. Particularidade de s'istemma est sa pompa petrolìfera posta in su primu pranu, unu riferimentu craru a is lutone abundantes de sa regione.

Durante sa partenèntzia sua a sa Repùblica Soviètica Transcaucasica, sa Repùblica Soviètica Azera aiat impreadu a emblema pròpiu ufitziale (aprovadu in su 1931) una versione ligeramente diferente; issa cunteniat difatis una mesaluna isteddada, posta subra sa farche e su marteddu, chi istaiant in pitzu de unu tratore in sa setzione tzentrale. Cun sa costitutzione de s'istatus de repùblica soviètica autònoma, tale istemma fiat modificadu in sa versione definitiva sua dae unu decretu ispetzìficu.

Issa at a restare in impreu fintas a su 1992, cando at a bènnere sostituidu dae su de sa repùblica indipendente, pesada a pustis de s'isorvimentu de s'Unione Soviètica.