Emisfèriu sud

Dae Wikipedia, s'entziclopedia lìbera.

Su template {{Coord}} at tentu errores (istrutziones):

  • coordinatas non dislindadas

Flag of the Italian region Sardinia.svg
Articulu in LSC
Flag of the Italian region Sardinia.svg

Emisfèriu Sud

S'emisfèriu sud o emisfèriu australe est sa subrafache de unu praneta chi s'isterret intre s'ecuadore e su polu sud.

Emisfèriu Sud inditadu in grogu

S'emisfèriu sud de sa Terra est essentzialmente marinu. Is terras emergidas costituint unos 50 milliones de chilòmetros cuadrados, rapresentant petzi su 20% de sa subrafache sua e petzi s'una de tres partes de totu is terras emergidas de su praneta. Intre su de 50 e su de 65 parallelos, non b'at casi terras emergidas peruna, a s'imbesse de s'emisfèriu opostu, su setentrionale. Su pitzu prus artu de s'èmisfèriu sud est su monte Aconcagua in Argentina, chi si nch'artziat subra is àteras summas de sa cordilliera de is Andas, a tesu de unos 150 km dae sa capitale cilena de Santiago de su Cile.

S'Antàrticu, postu in s'istremu meridione de s'emisfèriu sud, est su solu cuntinente de sa Terra chentza populatzione indìgena; s'àstragu chi dd'ammuntat rapresentat fintzas su 70% de is reserbas de abba de su praneta.

Dae bisura geopolìtica, s'emisfèriu sud contat istados numerosos in bia de isvilupu, chi s'agatant mescamente in s'Amèrica de su Sud, àteros - mescamente is Àfrica - sutasvilupados, ma fintzas unos cantos paisos intre is prus ricos de su mundu (totus in Otzeània). Petzi du 10% de s'umanidade bivet in custu emisfèriu.

Artìculos ligados[modìfica | edit source]

Àteros progetos[modìfica | edit source]