Estelada

Dae Wikipedia, s'entziclopedia lìbera.


Artìculu in LSC

Estelada blava.
Estelada vermella o roja.

S'estelada (pronùntzia: //ɐstə'ɫaðə//) est sa bandera indipendentista de sa Catalugna.

Istòria[modìfica | modìfica su còdighe de orìgine]

Nàschida a inghìriu de su 1918 (b'at però testimonias de una versione pretzedente cun s'isteddu insertadu in unu cuadradu a su tzentru de sa Senyera catalana giai deghe annos in antis), est su sìmbulu de su chertu pro sa libertade de su pòpulu catalanu. Est basada in s'ischema de sa Senyera, a sa chi sunt istados agiuntos unu triàngulu e un'isteddu de chimbe puntas a manu manca.

Su triàngulu biaitu (estelada blava, //ɐstə'ɫaðə 'bɫaβə//) rapresentat su chelu biaitu de s'umanidade e a s'internu b'at un'isteddu biancu chi rapresentat su disìgiu de sos cadalanos de pòdere detzìdere de su benidore issoro comente a unu pòpulu indipendente e lìberu.[tzitatzione netzessària]

In su 1969 cumparet s'estelada cun s'isteddu ruju subra isfundu grogu, de punna sotzialista (estelada roja, //ɐstə'ɫaðə 'rɔʒə//).

Oe sas duas banderas sunt impreadas in manera indistinta dae diversas organizatziones, colletivos e partidos polìticos de sos Paisos catalanos.

Boghes curreladas[modìfica | modìfica su còdighe de orìgine]

  • Bandera catalana