Euskaltzaindia

Dae Wikipedia, s'entziclopedia lìbera.


Artìculu in LSC

Sa sede de s'Euskaltzaindia in Bilbao

S'Euskaltzaindia, in sardu Academia Reale de sa Limba Basca, in limba ispagnola Real Academia de la Lengua Vasca, est s'istitutzione linguìstica ufitziale incarrigada de sa normativizatzione linguìstica de sa limba basca.

Fundada in su 1919 tenet sa funtzione de regulare e ghiare s'isvilupu de su bascu.

Tenet sa sede printzipale sua in Bilbao, cun delegatziones in Bajona, Donostia/San Sebastián, Pamploma e Gasteiz/Vitoria.

S'emblema suo est una camba de chercu, cun, in suta, sos faeddos dal motto Ekin eta jarrai ("firmesa e continuidade").

Cummissiones de traballu[modìfica | modìfica su còdighe de orìgine]

Euskaltzaindia tenet cummissiones de traballu chi tenent finalidades diferentes in s'istùdiu de sa limba basca e in sa normativizatzione sua. Sas cummissiones sunt custas:

  • Cummissione de lessicografia: como est traballende in unu Ditzionàriu Generale Bascu de caràtere generale e descritivu, chi ìntegrat cuntenutu istòricu e de dialetos; e in unu Ditzionàriu Lessicale Unificadu, chi est normativu e petzic in euskara batua o bascu unificadu.
  • Cummissione de gramàtica: dae su 1980 est redatende sas bases de sa gramàtica de sa limba basca.
  • Cummissione de s'Atlante linguìsticu: su traballu suo est su de realizare una mapa dialetològica pro connòschere sas variantes faeddadas in totu sos logos de sa geografia basca.
  • Cummissione de onomàstica: istùdiat aspetos prus teòricos e istòricos de su bascu.
  • Cummissione de literadura: analizat sa literadura populare, e finas sa literadura prus intelletuale in euskara.
  • Cummissione de sa limba faeddada: est incarrigada de istudiare s'impreu de sa limba basca faeddada e de nde cuncordare una normativa, ca esistint atzentos diferentes cunforma asu logu.

Acadèmicos ordinàrios[modìfica | modìfica su còdighe de orìgine]

Su nùmeru de sos acadèmicos est 23, chi 20 tenent s'euskara comente limba materna (in nadale de su 2005). Sunt acadèmicos ordinàrios:

Presidente e segretàriu[modìfica | modìfica su còdighe de orìgine]

Su presidente de s'Euskaltzaindia est Andres Urrutia Badiola, notàriu, economista e iscritore; su segretàriu est Xabier Kintana Urtiaga, filòlogu e iscritore.

Ligàmene esternu[modìfica | modìfica su còdighe de orìgine]