Fabio Felline

Dae Wikipedia, s'entziclopedia lìbera.
Jump to navigation Jump to search
Fabio Felline in su Brabantse Pijl 2015.

Fabio Felline (Turinu, 29 de martzu 1990) est unu tzicrista camineri italianu. Est profissionale dae su 2010.

Carrera[modìfica | modìfica su còdighe de orìgine]

A pustis de annos de bintòrias sighidas intre sos piseddos, porfiat un’istajone ebia in mesu de sos Amadores Elita/Suta-de-23 e colat a profissionale a su cumintzu de su 2010 cun sa Footon-Servetto. In su matessi annu, binchit duas tapas e sa crassifigadura finale de su Tzircùitu de Lorena. A pustis de agabare su de deghe in su Prèmiu E3 de sas Frandras, partètzipat a sa Furriada de Romandia, arribende su de chimbe in sa crassifigadura de sos zòvanos, e a su Tour de France, retirende-si a s’agabu de sa de otu tapas pro neghe de una ruta.

In su 2011, porfiat pro sa Geox e lograt in bolada sa tapa de Bressa in su Brixia Tour.

Pro su 2012, sinzat unu cuntratu cun s’echipa Androni Giocattoli-Venezuela: su primu èsitu cun sa montura noa arribat in abrile, in sa Furriada de s’Apenninu. Leat parte a sa Furriada a Itàlia de 2012, otenende su de duos logos in sa de noe etapas dae San Giorgio al Sannio a Frosinone. In triulas, est cumbocadu dae Bettini su C.T. pro una cuntzentradura de tres dies in Levico Terme, dae su 19 a su 21, cun sa finalidade de s’amaniare pro sos zogos olìmpigos e su mundiale. Sende gasi, a s’agabu no est isseberadu in su selessionadu italianu de s’olimpìada. In cabudanni, binchet su Memoriale Pantani. Est cumbocadu pro sa currera de sos Suta-de-23 de su campionadu mundiale in Olanda, peroe a dolu mannu non resessit a si cullocare intre sos primos. Lu cussìderant unu de sos zòvanos prus impromintidores de su tzicrismu italianu.

In s'istajone de 2013, Felline at logradu sa prima sua bintòria in sa prima mesuetapa de sa Chida Coppi & Bartali, curta su 20 de martzu cun moida e arribada in Gatteo a Mare (Rìmini).

Sa Furriada de Itàlia de 2013 est istada grobarmente positiva pro Felline, mancari non siat resèssidu a lograre peruna bintòria de tapa, belle chi nde siat coladu a curtzu una pariga de bias.

In su mese de làmpadas, Fabio Felline at logradu in su fotofinish sa de duas etapas de sa Furriada de Isrovènia.

In su mese de austu, Felline at sinzadu unu cuntratu cun Trek, liderada dae Fabian Cancellara s'isvìtzeru, chi at a esser s'echipa sua moende cun annoas. S'ùrtima die de su mese, s'est cullocadu in su de sete logos in su Memorial Pantani, chi antiannu l'aiat bidu binchende.

Su 2014 est un'annu malassortadu pro Fabio, che pro neghe de sas cundissiones suas fìsigas imperfetas non resessit a lograre peruna bintòria e si devet cuntentare cun unos cantos cullocamentos.

Fabio Felline custumat amaniare onzi annu in atonzu, a pustis de s'agabu de s'istajone cumpetitiva, sa "Fellinata", una pedalada tzicroturìstiga a fùrriu de Turinu, a sa cale podent leare parte totu sos chi lu disizent.