Faru

Dae Wikipedia, s'entziclopedia lìbera.
Jump to navigation Jump to search
Unu faru

Unu faru est un'istrutura, a s'avesu una turre, probida in su pitzu de unu sistema a tretu de emiter sinzales lugorosos poderosos de azudu e referèntzia in sa navegadura, custituìda dae una làmpada e unu sistema de lentes. Sos faros sunt sos sinzoladorzos marìtimos prus importantes. Sunt postos in sas probianias de logos de aterrazu, logos perigulosos o àteros logos in ue siat ùtile a tenner unu puntu notàbile bisìvile dae largu in tempus de sa navegadura costerenca. Sunt marcados in manera crara in sas mapas marìtimas chi nd'ìnditant finas s'artària focale, impare cun sas caraterìstigas de su sinzale lugorosu emìtidu chi los logalizat in modu uniforme.

Impreados largamente in su tempus coladu, a dies de oe azomài si fraigant faros noos, sustituìdos dae sistemas poddigales (NRL, SPG, eac.) de azudu a sa navegadura. In su matessi tempus, sos faros chi sunt galu operativos sunt rugrende unu protzessu de automatizadura totale pro nde minimare sos costos de zestione e mantenimentu. In sos IAA, in particulare, dae su 1.986 non b'at prus faros abitados o probidos de un'istassione ràdiu.

Su nùmene derivat dae s'ìsula de Pharos, in cara de Lisàndria de Ezitu, in ue in su de III sègulos in antis de Cristos, fiat istada fraigada una turre in ue brusaiat sighidamente unu fogu mannu, in manera chi sos navegadores in cussos fùndigos pòderent evitare de nche ferrer a su paule Mareotide situadu in palas.