Forilì

Dae Wikipedia, s'entziclopedia lìbera.
Custu artìculu non sighit sas regulas: agiuda a lu megiorare sighende su istile de Wikipedia.

Coordinadas: 44°13′21″N 12°02′27″E / 44.2225°N 12.040833°E44.2225; 12.040833

Forlì, pratza Saffi
Posidura in sa provìntzia

Forilì est una comuna italiana de 118.652 abitadores, cabitale de sa provìntzia romannola de Forilì-Tzesena. In particulare, Forilì est su tzentru limbìstigu de su dialetu romannolu. Est sea piscamale de sa diòtzesis de Forilì-Bertinoro.

A pustis de esser istadu, zai dae su cumintzu de su Rennu de Itàlia e pro belle totu su de XX sègulu, sa cabitale de sa provìntzia de Forlì, chi cumprendiat finas su territòriu de Rìmini, dae su 1992 cumpartzit cun Tzesena su nùmene de sa provìntzia, chi Forilì, in onzi casu, nd'abarrat s'ùniga cabitale.

Sa bidda est cunnota finas cun su paranùmene dialetale de “Zitadon”, sende istada longamente sa leada prus pobulada de sa Romanna (pro narrer, la fiat a sos tempos de s'unifigadura italiana). In s'istòria, l'ant naradu finas cun su nùmene de Livia.

Forilì est postu in sa rezione istòriga de sa Romanna, de sa cale nd'est s'arzola zentrale. Custu primadu est finas limbìstigu, in su sentidu chi su foriliesu custìtuit su dialetu romannolu tìpigu: in sas àteras faeddadas, a medida chi unu s'allargat dae su tzentru de sa rezione limbìstiga, si perdent in manera graduale unas cantas caraterìstigas.

Sa bidda, fundada cunforme a sa tradissione in su 188 in antis de Cristos, festat in su 2013 sos 22 sègulos suos de crèschida. In onzi modu, Sigismondo Marchesi s'istoriadore, pustidatat sa fundadura a su 208 i.a.d.C.

Cunforme a sa tradissione, su sinnu de su ròspogu de Forilì est su Cabricorru.