Franjo Tudjman

Dae Wikipedia, s'entziclopedia lìbera.
Franjo Tuđman

Franjo Tuđman (Veliko Trgovisce, 14/05/1.922-Zagàbria, 10/12/1.999), est istadu istoriadore, òmine de istadu e primu presidente de sa Repùbriga Croata soberana e independente.

Comente partidàriu de s’independèntzia croata, s’est ingazadu politigamente a bias de s’agabu de sos annos otanta. In su 1.989, fundat sa Comunidade democràtiga croata (HDZ), abarrende-nde su presidente finas a sa morte sua. A pustis de sa bintòria de s’HDZ in sas eleghiduras de 1.990, est elèghidu presidente de sa Repùbriga Sotzialista Croata de tando, incorporada in sa Jugoslàvia. A pustis de s’introduidura de su custituimentu democràtigu de 1.990, est elèghidu presidente de sa Repùbriga Croata Independente in su 1.992.

Est s’autore de sa Decraradura de independèntzia de sa Croàtzia de su 25 de làmpadas de 1.991. Comente cumandadore supremu, aiat ghiadu sa defesa de sa Croàtzia in sa gherra patriòtiga. Fiat istadu reelèghidu presidente in su 1.997 e s’HDZ aiat bintu torra sas eleghiduras paralamentàrias in su 1.992 e in su 1.997. Morit in su 1.999, a pustis de una maladia longa.