Frantziscu Cossiga

Dae Wikipedia, s'entziclopedia lìbera.
Jump to navigation Jump to search

Frantziscu Cossiga (Tàtari, 26 de triulas de 1.928-Roma, 17 de austu de 2.010) est istadu unu polìtigu, zurista e imparadore sardu e italianu, su de otu presidentes de sa Repùbriga dae su 1.985 a su 1.992, addaghi aiat assuntadu, de deretu, s’ufìssiu de senadore perpetuadu. In fatu de unu degretu de su presidente de su Cussizu de sos ministros, aiat retzidu su tìtulu de presidente emèritu de sa Repùbriga Italiana.

Fiat istadu ministru de sos afares internos in sos gubernos Moro su de V, Andreotti su de III e Andreotti su de IV dae su 1.976 a su 1.978, addaghi aiat demissionadu in fatu de s’ochidura de Aldo Moro. Dae su 1.979 a su 1.980, fiat istadu presidente de su Cussizu de sos ministros e fiat istadu presidente de su Senadu de sa Repùbriga in sa de IX lezisladuras dae su 1.983 a su 1.985, addaghi aiat dassadu s’incàrrigu sende elèghidu a su Quirinale, comente Cabu de Istadu prus zòvanu de s’edade repubrigana, a pustis de zai esser istadu finas a tando su sutasegredàriu, ministru de sos afares internos, presidente de su Cussizu de sos ministros e presidente de su Senadu prus zòvanu.