Gaspa

Dae Wikipedia, s'entziclopedia lìbera.
Gaspa

Sa gaspa (evitare s’italianismu “fòrfora”) est una patolozia de su corzu piludu, chi si presentat macroscopigamente comente astuleddas arbas e sicas in sa base de su pilu de conca.

Normarmente, su tràmunu de sas tzèllulas epiteliales de su corzu piludu acontessit in manera regulare e s’eliminadura de sas tzèllulas mortas comente iscatadura de sos arrogos superiores de s’epidermis si dat sena probremas, e una presèntzia modesta a beru de iscatadura est fisiolòziga.

Belle gasi, cando sa presèntzia de iscatas arbastras e sicas est prus a prestu elevada, si faeddat de gaspa, chi podet esser sìntomu de sa dermatitis seborroiga, chi duncas est cròniga. Sa gaspa est unu fenòmenu meda ispainadu, chi pròvocat imbargu o foras male probremas de autoabaliadura in medas pessones, tantu est beru chi su tratamentu suo podet esser importante finas petzi pro resones sicolòzigas.