Giancarlo Primo

Dae Wikipedia, s'entziclopedia lìbera.

Giancarlo Primo (Roma, 4 de santuaine 1924Civita Castellana (Bitervu), 27 de nadale 2005) est istadu unu canastrista e un'assussadore de botzacanastra italianu.

Carrera[modìfica | modìfica su còdighe de orìgine]

Nàschidu in Roma in su 1924, si cunsagrat luego a sa botzacanastra.

A pustis de nche sizire unu livellu bonu in sa botza in aba, cumintzat a zogare in sos campos de tauladu cun sa Zinnàstiga Roma, cun sa cale lograt su de duos logos in su campionadu italianu de su 1950-51, e su de tres in su de 1951-52.

Intrat a s'internassionale italiana e leat parte a sos zogos olìmpigos de su 1948 e a sos campionados europeos de su 1947 e de su 1949.

Pustis terminada sa carrera de zogadore, si cunsagrat a sa de assussadore. Devenit assussadore de Nello Paratore su cummessàriu tènnigu de s'internassionale e, in custu rolu, partètzipat a chimbe campionados europeos e a tres zogos olìmpigos (1960, 1964, 1968).

In su 1968, l'intrat in parte comente cummessàriu e ghia s'internassionale pro 11 annos, otenende duas medallas de brunzu in sos campionados europeos (Essen 1971, Beligradu 1975) e logrende duas bintòrias istòrigas, sas primas pro s'Itàlia, cun sos IAA (1970) e s'URSS (1977).

Una canastra realizada in sos ùrtimos segundos dae Cuba in sa finale pro su de tres e bator logos de s'olimpiada de Mònagu li denegat s'artiada a su pòdiu. Una situassione assimizadora si dat in su mundiale de su 1978, cando sa derrota in s'ùrtimu segundu cun su Brasile li dogat una medalla de brunzu chi zai teniat in sa butzaca (duncas, est un'àteru su de bator logos a pustis de su de 1970) e li costat sa ghia de s'internassionale.

Si faghet cummessàriu de echipas de clube e binchit sa Cupa de sos Campiones (1983) e sa Cupa Intercontinentale cun su Cantù.

Tancat sa carrera in Roma in s'istajone 1988-89.

Est decraradu Caballeri de sa Repùbriga e otenet s'Isteddu de oro de su CONI pro mèritos isportivos.

Primo morit in su 2005 in Civita Castellana, una bidda de su de Bitervu.

In su 2007, est intradu a sa FIBA Hall of Fame in sa categoria de sos assussadores.

In su 2009, at retzidu su prèmiu in amentu “Italia Basket Hall of Fame”.