Grassianu Mesina
Grassianu o Gratzianu Mesina (Orgòsolu, 4 de martzu de 1942) est unu criminosu sardu. Est istadu su bandidu prus famadu de sa Sardinna de sa pustigherra. Est cunnotu pro sas evasuras suas numerosas (bintiduas, chi deghe intzertadas) e pro su rolu suo de medianeri in su sechestru de Farouk Kassam su minore.
Su 25 de santandria de 2004, a pustis de esser agrassiadu dae su Presidente de sa Repùbriga de tando, Ciampi, e dae su ministru de sa zustìssia Roberto Castelli, Mesina dassat sa presone de Voghera, peroe abarrat in su detenimentu bivimentale pro duos annos, sena lograre mai permissos (nemancu in s'ocasione de sa morte de mama sua), pro fagher sa recuida de òmine lìberu a s'Orgòsolu suo. Grobarmente, Mesina at barigadu 40 annos in palas de sas zagas, belle 5 bandidende e duos in su detenimentu bivimentale.
Est istadu detènnidu su 10 de làmpadas de 2013 cun s'acusa de liderare un'organizadura criminale intregada a su tràfigu de drogas, a sas furas e a sos isrobatòrios.