Guernica

Dae Wikipedia, s'entziclopedia lìbera.
Jump to navigation Jump to search

Coordinatas: 43°19′01″N 2°40′36″W / 43.316944°N 2.676667°W43.316944; -2.676667

Flag of Sardinia, Italy.svg
Artìculu in LSC
Flag of Sardinia, Italy.svg

Guernica
Posidura de Guernica in sa provìntzia

Guernica (Guernica y Luno in ispagnolu e Gernika-Lumo in bascu) est una tzitade minore de su Paisu Bascu, in sa provìntzia de Biscaglia, in su nord-est de s'Ispagna.

Guernica est sa capitale religiosa e istòrica de su Paisu Bascu ispagnolu e fiat su logu de adobiu de s'Assemblea de Biscaglia, chi si riuniat suta de unu chercu, sa Gernikako Arbola, chi est istadu unu sìmbulu de sas libertades traditzionales de su pòpulu bascu.

Sa tzitade est famada in totu su mundu gràtzias a Guernica, maestosa òpera de Picasso, unu cuadru cun sa sòlita ìndola cubista, chi figurat sa tzitade bombardada dae s'esèrtzitu tedescu durante sa gherra tzivile ispagnola.

Istòria[modìfica | modìfica su còdighe de orìgine]

Fundada su 28 abrile 1366, Guernica est una tzitade santa pro sos bascos. Finas dae su Medioevu bi teniant logu sos cussìgios bascos. Sos res castiglianos, sighidos in prus trighet dae sos res ispagnolos, giuraiant suta de su chercu de Guernica de respetare e cunservare sas leges piessignos autonomistas de sa Biscaglia.

Su sìmbulu sagradu de sos Bascos, sa chercu (Gernikako Arbola) si agata subra a su tzentru tzitade; suta a issa si riuniat cada annu finas a su 1876 su Cussìgiu de sos Sèneghes, sos cales membros acudiant dae totu su Paisu Bascu, isboligande custu una forma direta de democratzia. S'àrbore benit sostituidu in casu de morte dae una mata noa nàschida dae sos frutos de s'àrbore betzu.

Bombardamentu de Guernica[modìfica | modìfica su còdighe de orìgine]

Guernica est famada pro àere subidu unu bombardamentu aèreu a tapete - tra sos primos e in prus tostos - postos in atu dae sa Legione Condor (unidade bolontària de sa tedesca Luftwaffe).

S'atacu at tentu logu su 26 abrile 1937, durante sa gherra tzivile ispagnola, cun su suportu de s'Aviatzione Legionaria, unidade bolontària e no ufitziale de sa Regia Aereonautica italiana.

Riservas naturales[modìfica | modìfica su còdighe de orìgine]

S'estuariu de su Guernica o Urdaibai est una Abbandat Biosferica.

Isport[modìfica | modìfica su còdighe de orìgine]

Guernica est puru sa sea de su Gernika Jai Alai, unu de sos campos printzipales pro sa pelota basca.

In àmbitu de su giogu de su pallone sa sotziedade printzipale tzitadina est su Gernika Tzìrculu.

Amministratzione[modìfica | modìfica su còdighe de orìgine]

In su 1996 su territòriu comunale est istadu partidu e est istadu creadu su comune nou de Arratzu.

Personas ligadas a Guernica[modìfica | modìfica su còdighe de orìgine]

  • Gorka Gerrikagoitia, ciclista (1973)
  • Andoni Lafuente, ciclista (1985)
  • Roberto Laiseka, ciclista (1969)
  • Joane Somarriba, ciclista (1972)

Àteros progetos[modìfica | modìfica su còdighe de orìgine]