Impending Death
campidanesa. Abbàida sas àteras bariedades gràficas:
logudoresu · LSC · nugoresu
Impending Death (Morti imbenienti) est una fotografia fata de su fotògrafu indipendenti Thomas Dallal in s'interis de is atacus de s'11 cabudanni 2001.[1] Sa fotografia afigurat sa Turri Nord (1 WTC) de su World Trade Center, abruxendi apustis de essi corfida de su bòlidu American Airlines 11 a is 8:46 (oràriu locali), e pagu innantis de s'arrutroxa sua a is 10:28. Si biint in sa forografia is personis medas inserradas me is pranus artus de sa turri, spondendi-si po nexi de sa basca e su fumu. No podiant fui poita ca is scalas e is artziadoris no faiat prus a ddus impreai apustis de su sciorrocu de su bòlidu 11.[2]
Sa fotografia dd'ant candidada po su prèmiu internatzionali de sa fotografia de s'annu e est arribada segunda.[3] Fotografia pretzisas fatas de àngulus diferentis de Jeff Christensen de Reuters funt stètias impreadas apustis po circai de identificai a is vìtimas chi fiant spondendi-si.
Acuntessimentus
[modìfica | modìfica su còdighe de orìgine]S'11 de cabudanni de su 2001, unu grupu de terroristas de al-Qaeda ant desviau cuàturu aparèchius comercialis comenti parti de un'atacu a is Stadus Aunius. Duus de custus, American Airlines Flight 11 e United Airlines Flight 175, si-nci funt tzacarraus contras a is Turris Nord e Sud de su World Trade Center, de pari a pari a is 8:46 e 9:03 (oràriu locali). Is duas turris funt arrutas in prus pagu de un'ora po tzèdida struturali, po nexi de su fogu incuntrollau[4]; sa Turri Sud a is 9:59 e sa Nord a is 10:28.
Po nexi de s'àngulu de impatu de su bòlidu 11, nemus in sa Turri Nord asuba a su de 91 pranus est pòtziu fui de s'edifìtziu. Is 1344 personis blocadas funt mortas po ai arrespirau su fumu, po si-nc'essi ghetadas de is ventanas o in s'arrutroxa de sa turri. Ddoi at fotografias medas de is vìtimas. The Falling Man, fata de su fotògrafu Richard Drew de sa Associated Press est bessida una de is prus fotografias famadas e contierradas de s'acuntessimentu.
Impending Death dd'at fata su giornalista indipendenti Thomas Dallal, pagu innantis de s'arruta de sa Turri Nord. Si biint unas 50 personis me is pranus ocupaus de sa Cantor Fitzgerald (chi at pèrdiu 658 traballadoris in s'atacu) e de Windows on the World (chi at pèrdiu 73 personis).
Circa de is identidadis
[modìfica | modìfica su còdighe de orìgine]In cabudanni 2006, Vanity Fair at publicau un'estratu de su lìburu Watching the World Change, cun minudas apitzus de is sfortzus de is famìlias de is vìtimas de s'11 de cabudanni po identificai a is parentis de custa e àteras fotografias.[5]
Riferimentus
[modìfica | modìfica su còdighe de orìgine]- ↑ (EN) Melissa Whitworth, 9/11: 'Jumpers' from the World Trade Center still provoke impassioned debate, in The Daily Telegraph, 3 cabudanni 2011. URL consultadu su 25 austu 2019 (archiviadu dae s'url originale su 2 ghennàrgiu 2014).
- ↑ (EN) Jim Dwyer, Lipton Eric e Kevin Flynn, 102 MINUTES: Last Words at the Trade Center; Fighting to Live as the Towers Die, in The New York Times, 26 maju 2002 (archiviadu dae s'url originale su 12 cabudanni 2009).
- ↑ (EN) 59th POYi Winners List, Pictures of the Year International. URL consultadu su 18 làmpadas 2018.
- ↑ ZdeneˇkP.Bazˇant, F.ASCE e Yong Zhou, Why Did the World Trade Center Collapse?—Simple Analysis (PDF), in Journal of Engineering Mechanics, 2002.
- ↑ (EN) David Friend, The Man in the Window, in Vanity Fair, 1º cabudanni 2006. URL consultadu su 18 làmpadas 2018.
Bibliografia
[modìfica | modìfica su còdighe de orìgine]- Friend, Davis, Watching the World Change, ISBN 1845115457.