Interpol (cumpressu musicale)

Dae Wikipedia, s'entziclopedia lìbera.

Flag of the Italian region Sardinia.svg
Articulu in LSC
Flag of the Italian region Sardinia.svg

Interpol
Interpol band.JPG
Interpol in cuntzertu, 2010
Informatziones
Orìgine New York City, New York (istadu), Istados Unidos
Gènere musicale Post-punk, indie rock, alternative rock
Annos de atividade 1997 - in atividade
Etichetas Matador, Capitol, Parlophone, Soft Limit, Cooperative Music, Arts & Crafts México
Giassu interpolnyc.com
Membros Paul Banks, Sam Fogarino, Daniel Kessler
Membros colados Greg Drudy, Carlos Dengler

Is Interpol sunt unu cumpressu musicale rock americanu nàschidu in su 1997 in New York.

Sa mermadura originale fiat cumponida de: Paul Banks (boghe, ghitarra), Daniel Kessler (ghitarra, boghe), Carlos Dengler (bassu, tastieras) e Greg Drudy (tumbarinos). Drudy at lassadu in su 2000 e Sam Fogarino at pigadu su logu suo. In su 2010, cun s'agabu de sa registradura de s'album de bator fintzas Dengler at lassadu pro sighire unu progetu propiu.

Is Interpol, cun ateros nòmenes apretziados comente The Strokes, Longwave, The National e Stellastarr, faghent parte de cussos cumpressos de sa ròdia musicale indie de New York chi si sunt distinghidos pro nde torrare a pesare interessiu pro su genere post-punk a primìtziu de sos annos 2000.

S'album de inghitzu, Turn on the Bright Lights, a sa bessida in su 2002 at tentu is mègius bàntidos de sa critica. Is traballos a sighire no ant mai arretzidu matessi apretziamentu ma nde ant fatu crèschere sa fama.

S'album a bènnere El Pintor diat depere bessire in su cabudanne de su 2014.

Istòria[modìfica | edit source]

A s'inghitzu cumponidu iscetis de Kessler e Drudy, su cumpressu si faghet unu nòmene cun s'intrada de Sam Fogarino in logu de Greg Drudy, de Dengler e de su cantadore Paul Banks.

Partent pro su primu tour in su 2001, ma su primu album, Turn On the Bright Lights, bessit in su 2002. De tando is Interpol diventant famados intra is ròdias Indie.

Su segundu album, Antics, est de su 2004 e sighet a unu tour chi at tentu durada pro totu su 2003. Su cumpressu cumponet fintzas sa colonna sonora pro sa serie de telebisura Six Feet Under.

S'album de tres, Our Love to Admire, est de su 2007. Est su primu traballu issoro impare una una major discografica, sa Capital Records, e su primu a no èssere totu produidu de issos..

In su cabudanne 2010 bessit s'album de bator, Interpol, ma in antis est giai pubricadu in internet su primu single isceberadu: Lights. Est s'ùrtimu album cun Dengler, chi teniat giai bidea de triballare in àteros progetos.

Su 5 de làmpadas 2014, is Interpol daent nova de sa bessida de s'album de chimbe, El Pintor, chi at a bessire su 9 de cabudanne 2014.

Discografìa[modìfica | edit source]

Albums[modìfica | edit source]

  • Turn on the Bright Lights (2002)
  • Antics (2004)
  • Our Love to Admire (2007)
  • Interpol (2010)
  • El Pintor (2014)