Intrada/essida

Dae Wikipedia, s'entziclopedia lìbera.
Jump to navigation Jump to search

Provintzia de Casteddu-Istemma.png
Articulu in campidanesu
Provintzia de Casteddu-Istemma.png

S'intrada/essida (connotu puru cummenti input/output, de s'ingresu, acurtzau cummenti I/O) est sa parti de su sistema operativu ca permitit a s'impitadori de impreai is dispositivus eletrònicus collegaus a un'elaboradori.

Sa manera de cuntziderai s'I/E dipendit a manera forti de s'àmbitu de studiu. Is ingenneris eletrònicus cuntziderant is cumponentis fìsicus de is dispositivus, cummenti cavus, fontis de alimentatzioni e circuitus integraus. Is programmadoris invècias depint manigiai is interfàtzias lassadas a disponimentu de sa programmera: is cumandus acetaus de su dispositivu, is datus ca aspetat de ligi e sa manera de signalai faddinas.[1] Po urtimu, s'impitadori depit bii is datus de imbiai o arricius de su dispositivu in una forma ca podit cumprendi. Custus podint essi in forma de testu, figuras, sonus, etc.

Dispositivus[modìfica | modìfica su còdighe de orìgine]

Is dispositivus podint essi classificaus cummenti dispositivus de intrada, ca imbiant is datus a s'elaboradori. Esèmpius funt su ratu (mouse) e su digitalizadori (scanner). Is dispositivus de essida funt invècias is chi arricint is datus, cummenti su schermu e s'imprentadora. Oi a dii, est raru ca unu dispositivu siat sceti de intrada o de essida e calincunu, cummenti is discus e is crais USB, ca funt s'unu e s'atru a su pròpriu tempus.

Notas[modìfica | modìfica su còdighe de orìgine]

  1. (EN) Andrew S. Tanenbaum e Albert S. Woodhull, Operating systems - design and implementation, 3ª ed., Pearson International Edition, p. 222, ISBN 978-0-13-505376-8.