Isparadorzu

Dae Wikipedia, s'entziclopedia lìbera.
Jump to navigation Jump to search
Shooting range-Škrilj.jpg

Un’isparadorzu (o campu de tiru) est unu logu alindadu e definidu craramente in ue si pràtigat atividade de tiru a fogu isportivu o militare, sena causare dannu a s’isternu. Onzi isparadorzu, a s’avesu, est supervisadu dae pessonale ispertu chi bìzilat a subra de su respetu de sas normas de seguràntzia.

Tipolozias[modìfica | modìfica su còdighe de orìgine]

Un’isparadorzu podet esser in s’àera lìbera o suta de cobertura (tunnel de tiru). S’atzessu, in prus de custu, podet esser limitadu a pessones capatzitadas o allistadas (isparadorzu privadu) o podet esser pro impreu pùbrigu (Tiru a Mèria Nassionale). In Itàlia esistint tres castas printzipales de campos de tiru:

  • isparadorzu militare, impreadu iscrusivamente dae su Zèniu militare de s’Istadu;
  • isparadorzu pùbrigu suta de s’èzida de s’UITS (Unione Italiana de Tiru a Mèria);
  • isparadorzu privadu, zestionadu dae sotziedades de tiradores chi podent esser allistadas o nono a sotziedades nassionales o internassionales, a bias no recunnotas dae su CONI.

Si podet definire isparadorzu finas un’arzola de mare, normarmente situada in dae in antis de una costera in un’arzola militare. In custu casu, si cussìderat s’ausèntzia de istruturas a inghìriu, discuidende de fatu sos dannos eventuales a su fùndigu marinu, e duncas su campu de tiru est definidu dae su tèrmine “isbagantamentu a mare”.

In logu inserradu (Indoor)[modìfica | modìfica su còdighe de orìgine]

Sos isparadorzos suta de cobertura tenent a s’avesu medidas particulares de proteghidura de s’istrutura, comente terraprenos chi proteghent sas paredes e sas istruturas sustentadoras afortidas. Addae de custu, sunt probidos de sistemas de bentiladura pro evitare s’istassionamentu de sos gassos gastados e, subra de totu, de sas micropartìculas de prumu. Si fartant sos sistemas narados, sos utilizadores e su pessonale sunt ispònnidos a toscadura. Un’àteru probrema de sos isparadorzos cuguzados est s’istrèpitu, chi podet superare 140 Db. Pro evitare custu, unos cantos campos de tiru modernos impreant aposentos de proa separados intre issos. In prus de custu, fitianu est proibidu a impreare sos càlibros prus poderosos (che su 50 BMG), sos fusiles o sas armas “full-auto”.

In logu abertu (Outdoor)[modìfica | modìfica su còdighe de orìgine]

S’isparadorzu in s’àera lìbera naschet frechentemente in bista de sa dimanda de tiros a distàntzia longa addae de 1.000 metros, gasi comente pro s’insajare in s’impreu de sas armas in cundissiones meteorolòzigas diferentes. Sos isparadorzos narados sunt custituìdos dae arzolas ampras in s’àera lìbera echipadas cun istruturas sintzillas de proteghidura atmosfèriga (teuladas o pinnetos), e finas cun trintzeramentos o tofas in dae in antis de sas mèrias, dae ue su pessonale de s’isparadorzu podet intervenner a subra de sas mèrias sena correr s’arriscu de esser còrfidu e sena dever interromper su tiru. Sos isparadorzos militares cuntenent fitianu finas tofas o putzos pro bi fagher detonare abarramentos perigulosos eventuales, comente bombas a manu o càrrigas isprosivas inispròdidas.