Canada

Sa Bandela de su Canada

Sa carta fisica

Su Canada est un'istadu chi occupat sa parte a nord de s'America settentrionale, e dd' est delimitadu dae s'Oceanu Atlantigu a est, dae su Pacificu a ovest e dae s'Oceanu Artigu a nord. A sud e a nord-ovest (Alaska) confinat cun sos Istados Unidos. Poi de sa Russia est su paese pius mannu de su mundu.

Su Canada est un'istadu federale cumpostu de deghe Provintzias e tres Territorios, est una demogratzia parlamentare e una monarchia costitutzionale, rezida dae sa Reina Elisabetta II se su Regnu Unidu. Su Canada ad'ottennidu s'indipendentzia dae su Regnu Unidu daboi de unu prozessu politigu chi fit comintzadu in su 1867 ed est istadu cumpridu in su 1982.

Este una natzione multiculturale e bilingue: sas limbas uffitziales difattis sunu s'inglesu e su frantzesu. Pero in Canada, pro su fattu de sa cumpositzione de sa populatzione, chi cumprendet medas etnias, si bi faeddan limbas meda. Su Canada est una natzione industrializzada e tecnologicamente avanzada. S'economia si basat prinzipalmente in sas risorsas naturales e su commerciu, in mazore parte rivoltu a sos Istados Unidos. Su Canada ada medas e complessas relatziones cun sos atteros istados de su mundu, diffattis faghet parte de su G8, sa NATO, s'APEC, de su Commonwealth of Nations, de Francophonie e de sas Natziones Unidas.

Etimologia

Su numene Canada derivat dae sa peraula de sos Iroquesos de su riu St. Lawrence (Santu Larentu), kanata, chi cheret narrere "bidda" "villagiu" o "accampamentu". In su 1535, sos indigenos chi abitaiana in sos paragios de s'attuale Quebec City aian usadu custa peraula cun s'esploradore frantzesu Jacques Cartier pro indicare unu villagiu. Cartier dae tando in poi at comintzadu a usare sa peraula Canada pro indicare no solu su villaggiu ma totta s'area; dae su 1545, in sos liberos e cartas geograficas europeas an comintzadu a jamare sa regione cun su numene Canada.

Istoria

Sa terra de su Canada est istada abitada pro millenios dae varios gruppos de populatziones indigenas. Daboi de su 1492 sun comuntzadas sas esploratziones de sos europeos massimu de sos inglesos e de issos frantzesos, e aiat comintzadu a si frimmare in sa costa Atlantiga. In su 1793 daboi de una gherra durada sette annos sa Frantza aiat zedidu guasi tottu sas colonias in America. In su 1867, cun s'unione de tres de sas colonias inglesas de su nordamerica e cun sa colonia frantzesa, cun sa creatzione de sa Confederatzione Canadesa, est istadu formadu unu dominiu federale de 4 provintzias.

Persones importantes

• Pierre Trudeau, politigu
• Neil Young, cantautore
• Glenn Gould, pianista
• Johnny Lombardi, editore
• Michael Bublé, cantante
• David Suzuki, giornalista, ambientalista

Galleria

• Su navigadore Giovanni Caboto.
  Su navigadore Giovanni Caboto.
• 
  Su cummerciu de sas pelliccias est istada s'attividade economica printzipale finas a tottu su XIX seculu.
• 
  Toronto Ontario
• 
  Hamilton Ontario
• 
  Montreal Quebec
• 
  Edmonton Alberta
• 
  Vancouver British Columbia