Istassione Ferruviària de Portu Turre Maritimu
S'istassione de Portu Turre Marìtimu est s'arressada de sos trenos de sos Caminos de ferru nassionales, atuarmente in funtzionamentu a probe de su portu turresu.
Istòria
[modìfica | modìfica su còdighe de orìgine]S'installadura fiat intrada ufissiarmente in servìtziu su 15 de abrile de 2004, sustituende s'arressada betza de Portu Turre Pratza Cristòfaru Culumbu comente conca de lìnia de s'arressada de su caminu de ferru de Chilivane. Su transitadorzu nou fiat istadu fraigadu in palas de s'istassione marìtima noa de Portu Turre, chi nde tirat profetu dae sas istruturas, incuende de unos 300 metros s'agabu de su caminu de ferru a petus de s'arressada de Pratza Cristòfaru Culumbu (posta in s'oru de sa turre aragonesa e oe ismanteddada), e a unos 700metros dae s'istassione tzentrale atuale de sa bidda turresa.
Istruturas e impiantos
[modìfica | modìfica su còdighe de orìgine]S'arressada s'agatat in s'arzola de su portu cumertziale de Portu Turre, e custìtuit sa conca de sa lìnia Otieri-Chilivane-Portu Turre, arrampamentu turresu de su biazadorzu ferruviàriu printzipale sardu. S'installadura est probida de una ùniga bia (tzurpa), cun apeadorzu serente, custu ùrtimu cunetadu cun s'istassione marìtima probiana. Una segunda bia tèrminat, issa puru tzurpa, in antis de su coladorzu livelladu de carrera Ponte Romanu, a pagos metros dae su transitadorzu. Non b'at fraigos de su grupu Cfn in s'arzola de s'arressada.
Serbìtzios
[modìfica | modìfica su còdighe de orìgine]S'istassione de Portu Turre Marìtimu est incrùdida in sa categoria “bronze” dae su grupu RCFI, e sa zestione de su tràfigu ferruviàriu podet esser isecutada dae s'istassione probiana de Portu Turre, cando est pessonalada, o dae s'A.TZ.O. de Casteddu si no est gasi.
S'arressada est atuarmente cunetada dae sas cumponiduras de Trenitalia cun sas istassiones de Tàtari, Chilivane, Terranoa e Casteddu. Dae su portu a curtzu, est possìbile a andare a S'Alighera, Istintinu, Osilu e Sossu impreende sos postales de s'IRST.