Istassione ferruviària de Nùgoro

S'istassione de sos trenos de Nùgoro est su transitadorzu ferruviàriu de s'Irst de sa bidda de Nùgoro, conca de lìnia de su caminu de ferru de ladària minimada pro Macumere.

S'istassione de Nùgoro est istada fraigada comente tèrminus orientale de su caminu de ferru Macumere-Nùgoro. S'installadura, ch'istranzat finas unu depòsitu de sas lìnias postalencas de sos CFDS antigos e sos garazos currespondidores de remunimentu e manutentura de sos postales, est probida in dae in antis de su fraigu de biazadores de tres bias, onzi una cun s'apeadorzu suo pròpiu, impreàbiles pro su servìtziu de biazadores. A su nordu de su terminale de passizeris, s'agatant su depòsitu de rodados de s'istassione e s'ischerriadorzu de mercantzias cun su fraigu relativu e cun sas bias de servìtziu currespondidoras. In s'arzola uestu de s'istassione, in prus de custu, est presente una prataforma pro sa furriadura de sos rodados.

Sa zestione de su tràfigu ferruviàriu s'isvilupat in situ dae bandas de s'Aderetadore de Moimentu de s'istassione.

S'istassione est ativa dae su puntu de bista ferruviàriu in sas dies de fatoriu, cun relassiones dae e chirru a s'istassione Irst de Macumere, gasi che cun sas diferentes leadas de su territòriu chi su caminu de ferru rugrat in su trazetu chirru a sa conca sua de lìnia otzidentale.

In dae in antis de su fraigu de biazadores, in carrera Lamarmora, s'agatat un'arressada servida dae sos postales de s'Irst, chi permitint de si zugher a logalidades bariadas de su zirile e a sas leadas printzipales de s'ìsula. Addae de custu, dae inoghe moent sas curreras postalencas de sustituidura de su servìtziu ferruviàriu pro Macumere in sas dies nòdidas. Finas s'impresa logale de trasportos, s'ITP, tenet arressadas in dae in antis de s'installadura, siat in carrera Lamarmora siat in carrera Ciusa Romagna, aunende s'istassione cun sas àteras zonas de sa bidda.